കേന്ദ്ര പ്രതിരോധ വകുപ്പിനു കീഴിൽ 58 സയന്റിസ്റ്റ് ഒഴിവുകൾ: അപേക്ഷ ക്ഷണിച്ച് റിക്രൂട്മെന്റ് ആൻഡ് അസസ്മെന്റ് സെന്റർ

Jun 16, 2022 at 2:20 am

Follow us on

JOIN OUR WHATSAPP GROUP https://chat.whatsapp.com/Ho35uvTwPSTE3q7pfeRNbY

ന്യൂഡൽഹി: കേന്ദ്ര പ്രതിരോധ വകുപ്പിനു കീഴിലുള്ള ഡൽഹി തിമർപുരിലെ റിക്രൂട്മെന്റ് ആൻഡ് അസസ്മെന്റ് സെന്ററിൽ (RAC) വിവിധ വിഭാഗങ്ങളിലായുള്ള 58 സയന്റിസ്റ്റ് ഒഴിവിലേക്കു ഇപ്പോൾ അപേക്ഷിക്കാം. ഓൺലൈനായി അപേക്ഷ സമർപ്പിക്കേണ്ട അവസാന തീയതി ജൂൺ 22.

ഒഴിവുള്ള വിഷയങ്ങൾ

ഇലക്ട്രിക്കൽ, ഇലക്ട്രോണിക്സ്, ഇലക്ട്രോണിക്സ് ആൻഡ് കമ്യൂണിക്കേഷൻ, മെറ്റലർജിക്കൽ, മെറ്റീരിയൽസ് സയൻസ്, ഇലക്ട്രോണിക്സ് ആൻഡ് ടെലികമ്യൂണിക്കേഷൻ, മെക്കാനിക്കൽ, എയ്റോനോട്ടിക്കൽ/എയ്റോസ്പേസ് എൻജിനീയറിങ്, അപ്ലൈഡ് ഒപ്റ്റിക്സ്/ഫൊട്ടോണിക്സ്/ഒപ്റ്റിക്കൽ എൻജിനീയറിങ്, പ്രൊഡക്‌ഷൻ, പ്രൊഡക്‌ഷൻ ആൻഡ് ഇൻഡസ്ട്രിയൽ, നേവൽ ആർക്കിടെക്‌ചർ ആൻഡ് ഷിപ് ബിൽഡിങ്, ഇലക്ട്രോണിക്സ് ആൻഡ് ഇലക്ട്രിക്കൽ കമ്യൂണിക്കേഷൻ, കെമിക്കൽ എൻജിനീയറിങ്, ഫിസിക്സ്, റേഡിയേഷൻ ഫിസിക്സ്, ഇൻഫർമേഷൻ ടെക്നോളജി, പോളിമർ സയൻസ്, പോളിമർ സയൻസ് ആൻഡ് ടെക്നോളജി, ഫൈബർ ആൻഡ് ടെക്സ്റ്റൈൽ പ്രോസസിങ് ടെക്നോളജി, ടെക്സ്റ്റൈൽ കെമിസ്ട്രി, കംപ്യൂട്ടർ സയൻസ് ആൻഡ് എൻജിനീയറിങ്, കെമിസ്ട്രി, കെമിക്കൽ ടെക്നോളജി, ഓഷ്യനോഗ്രഫി, മറൈൻ ജിയോളജി, മറൈൻ ജിയോഫിസിക്സ്, അപ്ലൈഡ് ഫിസിക്സ്, എൻജിനീയറിങ് ഫിസിക്സ്, ഇലക്ട്രിക്കൽ ആൻഡ് പവർ, പവർ സിസ്റ്റം എൻജിനീയറിങ്, മാത്‌സ്.

യോഗ്യത: എൻജിനീയറിങ് വിഷയങ്ങളിൽ ഫസ്റ്റ് ക്ലാസോടെയുള്ള ബിരുദവും പ്രവൃത്തി പരിചയവും. മറ്റു ശാസ്ത്ര വിഷയങ്ങളിൽ ഫസ്റ്റ് ക്ലാസോടെയുള്ള ബിരുദാനന്തര ബിരുദവും പ്രവൃത്തി പരിചയവും.

അപേക്ഷാഫീസ്: 100 രൂപ. എസ്‌സി/എസ്ടി/വനിതകൾ/ഭിന്നശേഷിക്കാർ എന്നീ വിഭാഗക്കാർക്ക് ഫീസ് അടയ്‌ക്കേണ്ടതില്ല.

കൂടുതൽ വിവരങ്ങൾക്കും അപേക്ഷിക്കുന്നതിനും: https://rac.gov.in