വ്യാജരേഖ ചമച്ച് പാരാമെഡിക്കൽ രജിസ്ട്രേഷൻ നേടി; വിദ്യാർത്ഥിക്കെതിരെ നടപടിയുമായി മെഡിക്കൽ വിദ്യാഭ്യാസ വകുപ്പ്; പൊലീസിലും പരാതി

സ്വന്തം ലേഖകൻ

കോഴിക്കോട്: വ്യാജ രേഖ ചമച്ച് കേരള പാരാമെഡിക്കൽ രജിസ്‌ട്രേഷൻ നേടിയ വിദ്യാർത്ഥിക്കെതിരെ നടപടിയുമായി മെഡിക്കൽ വിദ്യാഭ്യാസ ഡയറക്ടറേറ്റ്. അംഗീകാരം റദ്ദാക്കിയ ഡയറക്ടറേറ്റ് വിദ്യാർത്ഥിക്കെതിരെ കോഴിക്കോട് മെഡിക്കൽ കോളജ് പൊലീസിൽ പരാതിയും നൽകി. കോഴിക്കോട് കല്ലായി മുഖദർ മരക്കൽ കടവ് പറമ്പിൽ റഹിയാനത്തിനെതിരെയാണ് നടപടി. കണ്ണൂർ മെഡിക്കൽ കോളേജിൽ നിന്നും ഡിപ്ലോമ ഇൻ റേഡിയോളജിക്കൽ ടെക്‌നോളജി (ഡി.ആർ.റ്റി) വിദ്യാഭ്യാസ യോഗ്യത കരസ്ഥമാക്കിയെന്ന വ്യാജ സർട്ടിഫിക്കറ്റ് ഹാജരാക്കിയാണ് ഇവർ

രജിസ്ട്രേഷൻ തരപ്പെടുത്തിയത്. പരാതിയെ തുടർന്ന് മെഡിക്കൽ വിദ്യാഭ്യാസ ഡയറക്ടർ (ഡി.എം.ഇ) നടത്തിയ അന്വേഷണത്തിൽ റഹിയാനത്ത് ഈ പരീക്ഷ എഴുതിയിട്ടില്ലെന്നും ഡി.എം.ഇ. യുടെ പേരിൽ വ്യാജ യോഗ്യതാ സർട്ടിഫിക്കറ്റ് നിർമ്മിച്ച് പാരാമെഡിക്കൽ കൗൺസിൽ രജിസ്‌ട്രേഷൻ നേടിയാതാണെന്നും തെളിഞ്ഞു. ഇതോടെ വ്യാജ യോഗ്യതാ സർട്ടിഫിക്കറ്റിന്റെ അടിസ്ഥാനത്തിൽ നൽകിയ രജിസ്‌ട്രേഷൻ സർട്ടിഫിക്കറ്റ് അടിയന്തിരമായി റദ്ദാക്കുവാൻ മെഡിക്കൽ വിദ്യാഭ്യാസ ഡയറക്ടർ, കേരളാ പാരാമെഡിക്കൽ കൗൺസലിന് ശുപാർശ നൽകി. ഇതിൻ്റെ അടിസ്ഥാനത്തിലാണ് റഹിയാനത്തിന്റെ രജിസ്‌ട്രേഷൻ കേരളാ പാരാമെഡിക്കൽ കൗൺസിൽ റദ്ദാക്കിയത്. വ്യാജരേഖ

നിർമ്മിച്ച് കബളിപ്പിച്ചെന്ന് ചൂണ്ടിക്കാട്ടിയാണ് ഡി.എം.ഇ ഓഫീസ് മെഡിക്കൽ കോളേജ് പോലീസിൽ പരാതി നൽകിയത്.

• എംഎസ് സൊല്യൂഷൻസിനെതിരെ കൂടുതൽ പരാതികൾ: അന്വേഷണം തുടങ്ങി
• ചോദ്യങ്ങൾ ചോർത്തി അത് ‘പ്രവചനം’ ആക്കുന്നു: പിന്നിൽ വലിയ കച്ചവട തന്ത്രം 
• സ്കൂൾ പരീക്ഷ ചോദ്യപ്പേപ്പർ മുൻകൂട്ടി യുട്യൂബ് ചാനലിൽ: കുറ്റവാളികൾക്കെതിരെ കർശന നടപടിയെടുക്കും
• മന:പാഠം പഠിച്ചുമാത്രം സ്കൂ​ൾ പ​രീ​ക്ഷ എഴുതരുത്: വിദ്യാർത്ഥിയുടെ പഠ​ന മികവ്  പരിശോധിക്കണം 
• പരീക്ഷകളുടെ ചോദ്യങ്ങൾ മുൻകൂട്ടി സ്വകാര്യ ഓൺലൈൻ മാധ്യമങ്ങളിൽ: കർശന നടപടി വേണമെന്ന് അധ്യാപകർ