പുതിയ അധ്യയന വർഷത്തിൽ 75പുതിയ സ്കൂൾ കെട്ടിടങ്ങൾ: ഉദ്ഘാടനം 30ന്

JOIN OUR WHATS APP GROUP https://chat.whatsapp.com/DNHMWETM4tz7rYFJUfBU5c

തിരുവനന്തപുരം: പൊതുവിദ്യാഭ്യാസ സംരക്ഷണ യജ്ഞത്തിന്റെ തുടർച്ചയായുള്ള വിദ്യാകിരണം പദ്ധതിയുടെ ഭാഗമായി നിർമിച്ച 75 സ്‌കൂൾ കെട്ടിടങ്ങളുടെ ഉദ്ഘാടനം 30ന് നടക്കും. മുഖ്യമന്ത്രി പിണറായി 
വിജയൻ 30ന് ഉച്ചയ്ക്ക് ശേഷം 3.30ന്  
വട്ടിയൂർക്കാവ് ഗവ.വൊക്കേഷണൽ  ഹയർ സെക്കന്ററി സ്‌കൂളിൽ പുതിയ കെട്ടിടങ്ങളുടെ സംസ്ഥാനതല ഉദ്ഘാടനം നിർവ്വഹിക്കും.
അന്ന് തന്നെ എല്ലാ ജില്ലകളിലും ഇതേസമയം 
പ്രാദേശിക ഉദ്ഘാടനചടങ്ങുകൾ നടക്കും. ഉദ്ഘാടനം ചെയ്യുന്ന 75 സ്‌കൂൾ കെട്ടിടങ്ങളിൽ  5 കോടി കിഫ്ബി ധനസഹായത്തോടെയള്ള 9 സ്‌കൂൾ കെട്ടിടങ്ങളും 3 കോടി കിഫ്ബി 
ധനസഹായത്തോടെയുള്ള 16 സ്‌കൂൾ 
കെട്ടിടങ്ങളും 1 കോടി കിഫ്ബി ധനസഹായത്തോടെയുള്ള 15 സ്‌കൂൾ കെട്ടിടങ്ങളും പ്ലാൻ ഫണ്ടും മറ്റു ഫണ്ടുകളും ഉപയോഗിച്ച്  കൊണ്ട് നിർമ്മിച്ച 35 സ്‌കൂൾ കെട്ടിടങ്ങളും ഉൾപ്പെടുന്നു.

ആകെ 130 കോടി രൂപയാണ് ഇതിനായി 
വിനിയോഗിച്ചിട്ടുള്ളത്.നിലവിൽ നിർമ്മാണം നടന്നുകൊണ്ടിരിക്കുന്ന സ്‌കൂൾ കെട്ടിടങ്ങൾ സമയബന്ധിതമായി പൂർത്തിയാക്കുന്നതിനുള്ള നടപടികൾ പുരോഗമിക്കുകയാണ്.
ഇനിയും ഭൗതികസൗകര്യ വികസനം ആവശ്യമായുള്ള സ്‌കൂളുകൾ കണ്ടെത്തി  സൗകര്യങ്ങൾ ഒരുക്കുമെന്ന് മന്ത്രി വി. ശിവൻകുട്ടി അറിയിച്ചു.

• ബാറ്ററികളിൽ ഉപയോഗിക്കാൻ അടക്കയുടെ തൊലിയിൽ നിന്ന് നാനോ സംയുക്തങ്ങൾ വേർതിരിച്ച് കണ്ണൂർ സർവകലാശാല
• കണ്ണൂർ സർവകലാശാല പ്രായോഗിക പരീക്ഷകൾ, പുനർമൂല്യനിർണയ ഫലം
• സര്‍വകലാശാലാ രജിസ്ട്രാര്‍ നിയമനം; ഡിസംബര്‍ 15വരെ
• കേരളത്തിലെ വിദ്യാഭ്യാസ സ്ഥാപനങ്ങൾ കണ്ട് ആളുകൾ ഫൈവ് സ്റ്റാർ ഹോട്ടലെന്ന് തെറ്റിദ്ധരിക്കുന്നു: മന്ത്രി വി. ശിവൻകുട്ടി
• പരീക്ഷ അപേക്ഷ, പരീക്ഷാഫലം, പ്രാക്ടിക്കൽ, പി.എസ്.സി. പരിശീലനം: ഇന്നത്തെ എംജി വാർത്തകൾ