എൽപി, യുപി സ്കൂൾ വിദ്യാർത്ഥികൾക്കായി \’ഹലോ ഇംഗ്ലീഷ്\’ കിഡ്സ്‌ ലൈബ്രറി സീരിസ്: ലക്ഷ്യം മികച്ച ഇംഗ്ലീഷ്

JOIN OUR WHATS APP GROUP https://chat.whatsapp.com/BpeI9aAv1FR0J8PcNgpFyt

തിരുവനന്തപുരം: പൊതുവിദ്യാഭ്യാസ വകുപ്പിന്‍റെ ആഭിമുഖ്യത്തില്‍ എൽ.പി, യു.പി സ്കൂൾ വിദ്യാർത്ഥികൾക്കായി സമഗ്രശിക്ഷാ കേരളം \’ഹലോ ഇംഗ്ലീഷ് കിഡ്സ് ലൈബ്രറി സീരീസ്\’ പുറത്തിറക്കുന്നു. കുട്ടികളുടെ വായനാശീലം പ്രോത്സാഹിപ്പിക്കുന്നതിനും അവരുടെ ഇംഗ്ലീഷ് ഭാഷാശേഷി വര്‍ദ്ധിപ്പിക്കുന്നതിനുമായി സമഗ്രശിക്ഷാ കേരളം തയ്യാറാക്കിയ ബഹുവര്‍ണ്ണ കഥാപുസ്തകങ്ങളാണിത്. കുട്ടികളുടെ പ്രായം, ഭാഷാശേഷി എന്നിവ പരിഗണിച്ചുകൊണ്ടും അവരുടെ അനുഭവ പരിസരത്തിണങ്ങുന്നതുമായ 20 കഥാ പുസ്തകങ്ങളാണ് ആദ്യഘട്ടമായി പുറത്തിറക്കുന്നത്.

• പിഎം ശ്രീ പദ്ധതിയുടെ പേരിൽ കേന്ദ്ര സിലബസ് അടിച്ചേൽപ്പിക്കാനാകില്ല; മന്ത്രി വി.ശിവൻകുട്ടി
• കായികതാരം ദേവനന്ദയ്ക്ക് പൊതുവിദ്യാഭ്യാസ വകുപ്പ് വീടൊരുക്കും: മന്ത്രി വി.ശിവൻകുട്ടി
• ചാർട്ടേഡ് അക്കൗണ്ടൻസി: സെപ്റ്റംബറിലെ പരീക്ഷാ ഫലം നവംബർ 3ന്!
• ഇന്ത്യൻ വിദ്യാർത്ഥികൾക്ക് 29 ലക്ഷം രൂപയുടെ സ്കോളർഷിപ്പ് പ്രഖ്യാപിച്ച് ഓസ്‌ട്രേലിയൻ സർവകലാശാല
• ഐടിഐ വിദ്യാർത്ഥികൾക്ക് സന്തോഷ വാർത്ത: ഒരു ലക്ഷം തൊഴിൽ അവസരങ്ങൾക്ക്‌ സർക്കാർ പദ്ധതി

പുസ്തകങ്ങള്‍ വരുന്ന അക്കാദമിക വര്‍ഷം എല്ലാ എല്‍.പി, യു.പി വിദ്യാലയങ്ങള്‍ക്കും സൗജന്യമായി വിതരണം ചെയ്യും. എഴുത്തുകാരായ അധ്യാപകര്‍ തന്നെയാണ് ഈ കഥകള്‍ തയ്യാറാക്കിയിരിക്കുന്നത് എന്നതുകൊണ്ട് കുട്ടികളുടെ മാനസികനില, ഭാഷാശേഷി എന്നിവ പരിഗണിച്ചുകൊണ്ടുള്ള ശിശു സൗഹൃദപരമായ പുസ്തകങ്ങള്‍ തയ്യാറാക്കാന്‍ കഴിഞ്ഞു എന്നതാണ് ഈ പ്രവര്‍ത്തനത്തിന്‍റെ മികവ്. സമഗ്രശിക്ഷാ കേരളത്തിന്‍റെ പ്രധാന ഗുണതാ പരിപാടിയായ \’ഹലോ ഇംഗ്ലീഷ്\’ പരിപാടിയുടെ ഭാഗമായാണ് \’കിഡ്സ് ലൈബ്രറി സീരീസ്\’ തയ്യാറാക്കിയിട്ടുള്ളത്. വരുന്ന വര്‍ഷങ്ങളിലും കുട്ടികള്‍ക്കനുഗുണമായ ഇത്തരം പുസ്തകങ്ങള്‍ പ്രസിദ്ധീകരിക്കാനും അതിലൂടെ കുട്ടികള്‍ക്ക് അനുയോജ്യമായ അധിക വായന സാമഗ്രികള്‍ വിദ്യാലയങ്ങള്‍ക്ക് ലഭ്യമാക്കാനുമാണ് പൊതു വിദ്യാഭ്യാസ വകുപ്പ് ലക്ഷ്യമിടുന്നത്.

കൂടുതൽ വിവരങ്ങൾക്ക്: 9497533501