ഒന്നുമുതൽ 4വരെ ക്ലാസുകളിലെ പരീക്ഷ വർക്ക്ഷീറ്റ് മാതൃകയിൽ: 5മുതൽ ചോദ്യപേപ്പർ

Mar 5, 2022 at 6:44 pm

Follow us on

JOIN OUR WHATS APP GROUP https://chat.whatsapp.com/FyyfPtfe7UH0SaSpt5RgSW

തിരുവനന്തപുരം: ഒന്നുമുതൽ 9 വരെയുള്ള ക്ലാസുകളുടെ വാർഷിക പരീക്ഷകൾ സംബന്ധിച്ച നിർദ്ദേശങ്ങൾ പുറത്തിറക്കി.ഒന്നുമുതൽ 4 വരെ ക്ലാസ്സുകളിൽ വർക്ക്ഷീറ്റ് മാതൃകയിലാണ് വാർഷിക പരീക്ഷാ ചോദ്യപേപ്പർ തയ്യാറാക്കിയിട്ടുള്ളത്. 5 മുതൽ 9വരെയുള്ള ക്ലാസ്സുകൾക്ക് ചോദ്യപേപ്പർ നൽകി വാർഷികമൂല്യനിർണ്ണയം നടത്തും. ചോദ്യപേപ്പറുകൾ മാർച്ച് 21നകം ബി.ആർ.സി.കളിൽ എത്തിക്കും. സ്കൂൾ പ്രധാന അധ്യാപകൻ ബന്ധപ്പെട്ട ബി.ആർ,സി.കളിൽ നിന്നും ചോദ്യപേപ്പറുകൾ ശേഖരിക്കേണ്ടതാണ്. പരീക്ഷ സംബന്ധിച്ച് എൽ.പി./യു.പി, എച്ച്.എസ് വിഭാഗം ടൈംടേബിളുകൾ പുറത്തിറക്കി. മുസ്ലീം കലണ്ടർ പ്രകാരം പ്രവർത്തിക്കുന്ന സ്കൂളുകൾ, എൽ.പി./യു.പി. ഇൻഡിപ്പെൻഡന്റ് സ്കൂൾ, എൽ.പി./യു.പി. അറ്റാച്ട് സ്കൂൾ എന്നീ വിഭാഗങ്ങൾ ഒരേ ടൈംടേബിൾ തന്നെയാണ് പിന്തുടരേണ്ടത്.