സ്കൂൾ അധ്യാപകർക്കും ജീവനക്കാർക്കും വർക്ക്‌ ഫ്രം ഹോം സംവിധാനം ഏർപ്പെടുത്തി: നിർദേശങ്ങൾ ഇവയാണ്

JOIN OUR WHATSAPP GROUP https://chat.whatsapp.com/LOg19vgAP3gBjasxEgNpeP

തിരുവനന്തപുരം: സ്കൂളുകളിൽ ജോലിചെയ്യുന്ന അമ്മമാർക്കും ഗർഭിണികൾ അടക്കമുള്ളവർക്കും \’വർക്ക് ഫ്രം ഹോം\’
സംവിധാനം ഏർപ്പെടുത്താൻ നിർദേശം. ഗർഭിണികളായ ജീവനക്കാർക്ക് വർക്ക് ഫ്രം ഹോം സംവിധാനം ഏർപ്പെടുത്താൻ
പ്രിൻസിപ്പാൾമാർ/പ്രഥമാദ്ധ്യാപകർക്ക് അനുവാദം നൽകി. സ്കൂളുകളിൽ ജോലിചെയ്യുന്ന, രണ്ട് വയസ്സിനു താഴെ പ്രായമുള്ള കുട്ടികളുളള അമ്മമാർ, ക്യാൻസർ രോഗികൾ, തീവ്രരോഗബാധിതർ
തുടങ്ങിയ ജീവനക്കാർക്ക് വർക്ക് ഫ്രം ഹോം സംവിധാനത്തിലൂടെ ജോലി
ചെയ്യുന്നതിനുളള അനുവാദം (സർക്കാർ ഡോക്ടറുടെ (അലോപ്പതി)
സാക്ഷ്യപത്രത്തിന്റെ അടിസ്ഥാനത്തിൽ) അതത് പ്രിൻസിപ്പാൾമാർക്ക് /
പ്രഥമാദ്ധ്യാപകർ എന്നിവർക്ക് അനുവദിക്കാം. വർക്ക് ഫ്രം ഹോമിൽ ഏർപ്പെടുന്ന എല്ലാ അദ്ധ്യാപകരും ഓൺലൈൻ ക്ലാസ്സുകളിലും തുടർപഠന പ്രവർത്തനങ്ങളിലും പൂർണ്ണമായിട്ടും
പങ്കെടുക്കുന്നുണ്ടെന്ന് പ്രിൻസിപ്പാൾമാർ/പ്രഥമാദ്ധ്യാപകർ ഉറപ്പു വരുത്തേണ്ടതാണ്. സംസ്ഥാനത്ത് കോവിഡ് വ്യാപനം രൂക്ഷമായ സാഹചര്യത്തിലും സംസ്ഥാന ദുരന്ത നിവാരണ വകുപ്പിന്റെ സൂചന ഉത്തരവുകളുടെ അടിസ്ഥാനത്തിലുമാണ്
മാർഗ്ഗനിർദ്ദേശങ്ങൾ നൽകുന്നത്.