JOIN OUR WHATSAPP GROUP https://chat.whatsapp.com/BCOwaLGheC02b6xzMmfnRT
തിരുവനന്തപുരം: അദ്ധ്യാപകരുടെ സാഹിത്യ അഭിരുചിക്കുള്ള 2020- ലെ \’ജോസഫ് മുണ്ടശ്ശേരി സ്മാരക സാഹിത്യ അവാർഡുകൾ\’ പ്രഖ്യാപിച്ചു. സർഗ്ഗാത്മ സാഹിത്യം, വൈജ്ഞാനിക സാഹിത്യം, ബാലസാഹിത്യം എന്നീ മേഖലകളിലെ മികച്ച് കൃതികൾക്കാണ് അവാർഡുകൾ.
വൈജ്ഞാനിക സാഹിത്യത്തിലുള്ള അവാർഡ് ഡോ. പി. സുരേഷ് (എച്ച്.എസ്.എസ്.റ്റി, ഗവൺമെന്റ് ഹയർസെക്കന്ററി സ്കൂൾ പാലയാട്, തലശ്ശേരി, കണ്ണൂർ) രചിച്ച \’പുഴയുടെ ഏറ്റവും താഴെയുള്ള കടവ് \’ എന്ന കൃതിക്ക് ലഭിച്ചു. സർഗ്ഗാത്മക സാഹിത്യത്തിലുള്ള അവാർഡ് ഡി. ഷാജി, (വൃന്ദാവൻ ഹൈസ്കൂൾ, പ്ലാത്താംകര, നെയ്യാറ്റിൻകര) രചിച്ച \’ദേശത്തിലെ വിധവയുടെ വീട് \’ എന്ന കൃതിയ്ക്ക് ലഭിച്ചു. ബാലസാഹിത്യത്തിൽ എം. കൃഷ്ണദാസ് (ട്രെയിനർ, ബി.ആർ.സി മണ്ണാർക്കാട്, തെങ്കര, പാലക്കാട്) രചിച്ച
\’സ്കൂൾക്കഥകൾ\’ എന്നകൃതിക്ക് ലഭിച്ചു. പൊതുവിദ്യാഭ്യാസ ഡയറക്ടർ ചെയർമാനായിട്ടുള്ള സമിതിയാണ് അവാർഡ് ജേതാക്കളെ തെരഞ്ഞെടുത്തത്. 10,000 രൂപയും പ്രശസ്തി പത്രവും, ശില്പവും ആണ്
അവാർഡ് ജേതാക്കൾക്ക് സമ്മാനിക്കുക.