തിരുവനന്തപുരം:കമ്പൈൻഡ് ഡിഫൻസ് സർവീസസിലെ വിവിധ ഒഴിവുകളിലേക്ക് യൂണിയൻ പബ്ലിക് സർവീസ് കമ്മിഷൻ നടത്തുന്ന പരീക്ഷയ്ക്ക് ഇപ്പോൾ അപേക്ഷിക്കാം. ആകെ 341 ഒഴിവുണ്ട്. അവിവാഹിതർക്കാണ് അവസരം. അപേക്ഷ സമർപ്പിക്കേണ്ട അവസാനതീയതി ജനുവരി 11ആണ്.
ഒഴിവുകളെ കുറിച്ചുള്ള വിവരങ്ങൾ
ഇന്ത്യൻ മിലിറ്ററി അക്കാദമി, ഡാറാഡൂൺ- 100 ഒഴിവുകൾ, ഇന്ത്യൻ നേവൽ അക്കാദമി ഏഴിമല-22ഒഴിവുകൾ, എയർഫോഴ്സ് അക്കാദമി, ഹൈദരാബാദ്-32ഒഴിവുകൾ, ഓഫീസേഴ്സ് ട്രെയിനിങ് അക്കാദമി ചൈന്നൈ (എസ്.എസ്.സി. പുരുഷന്മാർ)-170 ഒഴിവുകൾ, ഓഫീസേഴ്സ് ട്രെയിനിങ് അക്കാദമി ചൈന്നെ (എസ്.എസ്.സി. വനിത)-17ഒഴിവുകൾ ഉണ്ട്.
സംവരണം
മിലിറ്ററി അക്കാദമിയിലേക്ക് എൻസിസി സർട്ടിഫിക്കറ്റുള്ളവർക്ക് 13 സീറ്റും നേവൽ, എയർഫോഴ്സ് അക്കാദമിയിലേക്ക് 3 സീറ്റ് വീതവും സംവരണമുണ്ട്.
യോഗ്യത
ഓഫീസേഴ്സ് ട്രെയിനിങ് അക്കാദമി-ബിരുദം.
എയർഫോഴ്സ് അക്കാദമി- ഫിസിക്സും മാത്തമാറ്റിക്സും പഠിച്ച പ്ലസ്ടുവും ബിരുദവും. അല്ലെങ്കിൽ എൻജിനിയറിങ് ബിരുദം.
നേവൽ അക്കാദമി- അംഗീകൃതസ്ഥാപനത്തിൽനിന്ന് എൻജിനിയറിങ് ബിരുദം. വ്യവസ്ഥകൾക്ക് വിധേയമായി അവസാനവർഷ വിദ്യാർഥികൾക്കും അപേക്ഷിക്കാം.
പ്രായപരിധി
ഇന്ത്യൻ മിലിറ്ററി അക്കാദമി, ഇന്ത്യൻ നേവൽ അക്കാദമി- പുരുഷന്മാർ 1999 ജനുവരി രണ്ടിനും 2004 ജനുവരി ഒന്നിനും ഇടയിൽ ജനിച്ചവരായിരിക്കണം. ഇന്ത്യൻ എയർഫോഴ്സ് അക്കാദമി: 2003 ജനുവരി ഒന്നിനും 1999 ജനുവരി രണ്ടിനും ഇടയിൽ ജനിച്ചവരായിരിക്കണം. ഡി.ജി.സി.എ.യുടെ അംഗീകാരമുള്ള പൈലറ്റ് ലൈസെൻസുള്ളവർക്ക് 26 വയസ്സുവരെ ഇളവ് ലഭിക്കും.
ഓഫീസേഴ്സ് ട്രെയിനിങ് അക്കാദമി (എസ്.എസ്.സി. കോഴ്സ് ഫോർ മെൻ)- 1998 ജനുവരി രണ്ടിനും 2004 ജനുവരി ഒന്നിനും ഇടയിൽ ജനിച്ചവരായിരിക്കണം.
ഓഫീസേഴ്സ് ട്രെയിനിങ് അക്കാദമി (എസ്.എസ്.സി. വിമെൻ നോൺ ടെക്നിക്കൽ കോഴ്സ്): അവിവാഹിതരായ വനിതകൾക്കും പുനർവിവാഹം ചെയ്യാത്ത വിധവകൾക്കും ഡിവോഴ്സ് ആയവർക്കും അപേക്ഷിക്കാം. 1998 ജനുവരി രണ്ടിനും 2004 ജനുവരി ഒന്നിനും ഇടയിൽ ജനിച്ചവരായിരിക്കണം.
കൂടുതൽ വിവരങ്ങൾക്ക് http://upsc.gov.in സന്ദർശിക്കുക.
