പ്ലസ് വൺ ഇംപ്രൂവ്മെന്റ് പരീക്ഷകൾ ജനുവരി 31മുതൽ: അപേക്ഷ 15വരെ

JOIN OUR WHATSAPP GROUP https://chat.whatsapp.com/JB56BFynMH0LT2v9n2cHdH

തിരുവനന്തപുരം : ഒന്നാംവർഷ ഹയർസെക്കൻഡറി/ വൊക്കേഷണൽ ഹയർ സെക്കൻഡറി വിദ്യാർത്ഥികൾക്ക് പ്രത്യേകമായി അനുവദിച്ച ഇംപ്രൂവ്മെന്റ് / സപ്ലിമെന്ററി പരീക്ഷകൾ 2022 ജനുവരി 31ന് ആരംഭിക്കും ജനുവരി 31ന് ആരംഭിച്ച് ഫെബ്രുവരി 4ന് അവസാനിക്കുന്ന രീതിയിലാണ് പരീക്ഷകൾ ക്രമീകരിച്ചിരിക്കുന്നത്. പരീക്ഷാ വിജ്ഞാപനം പുറത്തിറങ്ങി.

പരീക്ഷാ ടൈംടേബിൾ ചുവടെ ചേർക്കുന്നു.

ഒന്നാം വർഷ ഇംപൂവ്മെന്റ് /സപ്ലിമെന്ററി പരീക്ഷയ്ക്ക് പിഴ കൂടാതെ ഫീസ്
അടയ്ക്കുന്നതിനുള്ള അവസാന തീയതി ഡിസംബർ 15 ആണ്. പരീക്ഷയ്ക്ക് 20 രൂപ പിഴയോടുകൂടി ഫീസ് അടയ്ക്കാനുള്ള അവസാന തീയതി ഡിസംബർ 17.
പരീക്ഷയ്ക്ക് 600 രൂപ സൂപ്പർ
ഫൈനോടുകുടി ഫീസ് അടയ്ക്കാനുള്ള അവസാന തീയതി ഡിസംബർ 20.
പുനർമൂല്യനിർണയത്തിന് അപേക്ഷിച്ചിട്ടുള്ള വിദ്യാർത്ഥികൾക്ക് പുനർമൂല്യനിർണയഫലം പ്രസിദ്ധീകരിച്ചതിന് തൊട്ടടുത്ത് മൂന്ന്
(പ്രവൃത്തിദിനങ്ങൾക്കുള്ളിൽ ഫൈനില്ലാതെ പരീക്ഷക്ക് രജിസ്റ്റർ ചെയ്യാവുന്നതാണ്.
അപേക്ഷാ ഫോമുകൾ ഹയർസെക്കൻഡറി പോർട്ടലിലും, എല്ലാ ഹയർസെക്കൻഡറി
സ്കൂളുകളിലും ലഭ്യമാണ്. ഓപ്പൺ സ്കൂൾ വിദ്യാർത്ഥികൾ അവർക്കനുവദിച്ചിട്ടുള്ള
പരീക്ഷാകേന്ദ്രങ്ങളിലാണ് അപേക്ഷ സമർപ്പിക്കേണ്ടത്. അപേക്ഷകൾ
യാതൊരു കാരണവശാലും ഡയറക്ടറേറ്റിൽ നേരിട്ട് സ്വീകരിക്കുന്നതല്ല.
പരീക്ഷാ വിജ്ഞാപനം ഹയർസെക്കൻഡറി പോർട്ടലായ http://dhsekerala.gov.in
ൽ ലഭ്യമാണ്.

കോവിഡ് വ്യാപന സാഹചര്യത്തിൽ
ഒന്നാം വർഷ ഹയർ സെക്കൻഡറി/ വൊക്കേഷണൽ ഹയർ സെക്കൻഡറി വിദ്യാർഥികൾക്ക് പഠന പ്രവർത്തനങ്ങൾക്ക് സ്കൂളിൽ നേരിട്ട് ഹാജരാകാൻ കഴിഞ്ഞിരുന്നില്ല. കുറഞ്ഞ സമയത്തിനുള്ളിൽ വേണ്ടത്ര പഠനം നടത്താനുമായില്ല. ഈ സാഹചര്യത്തിൽ കൂടിയാണ് ഇംപ്രൂവ്മെന്റ് പരീക്ഷ നടത്താൻ തീരുമാനിച്ചത്.