ആൺകുട്ടികൾ ഒപ്പുവച്ചു: സ്ത്രീധനവും സ്ത്രീവിരുദ്ധതയും തടയും

JOIN OUR WHATSAPP GROUP https://chat.whatsapp.com/BCOwaLGheC02b6xzMmfnRT

മലപ്പുറം: സ്ത്രീകൾക്കും പെൺകുട്ടികൾക്കും എതിരെയുള്ള അതിക്രമങ്ങളും ലിംഗവിവേചനവും അവസാനിപ്പിക്കുന്നതിനായി പ്രവർത്തിക്കുമെന്ന് 1000 ആൺകുട്ടികളുടെ ദൃഢപ്രതിജ്ഞ. \’Orange The World\’ ക്യാമ്പയിനിന്റെ ഭാഗമായി വനിതാശിശു വികസന വകുപ്പാണ് \’1000 Promises\’ എന്ന പേരിൽ പരിപാടി സംഘടിപ്പിച്ചത്.

മലപ്പുറം ജില്ലയിലെ വളാഞ്ചേരി ബോയ്സ് ഹൈസ്കൂൾ, ഇരുമ്പിളിയം ഗവൺമെന്റ് ഹയർ സെക്കൻഡറി സ്കൂൾ, കുറ്റിപ്പുറം ഗവൺമെന്റ് ഹയർ സെക്കൻഡറി സ്കൂൾ എന്നിവിടങ്ങളിലാണ് ആൺകുട്ടികൾക്കായി പ്രത്യേക പരിപാടികൾ സംഘടിപ്പിച്ചത്. ഗാർഹിക പീഡന, സ്ത്രീധന നിരോധന നിയമങ്ങളെക്കുറിച്ചും സമൂഹത്തിൽ നിലനിൽക്കുന്ന ഇത്തരത്തിലുള്ള സംഭവങ്ങളെക്കുറിച്ചും പുതുതലമുറയിൽ അവബോധം സൃഷ്ടിക്കുക എന്ന ഉദ്ദേശത്തോടുകൂടിയാണ് ആയിരം ആൺകുട്ടികളിൽ നിന്നുള്ള ഒപ്പുശേഖരണം നടത്തിയത്. സ്ത്രീകൾക്കും പെൺകുട്ടികൾക്കുമെതിരെയുള്ള അതിക്രമങ്ങൾ തടയാനും അതിനെതിരെ ശബ്ദമുയർത്താനും ആൺകുട്ടികളെ പ്രാപ്തരാക്കുകയാണ് ലക്ഷ്യം.

സ്ത്രീധനവിരുദ്ധ പ്രതിജ്ഞയും കുട്ടികൾ എടുത്തു. കുറ്റിപ്പുറം ഐസിഡിഎസ് സിഡിപിഒ ദീപ, സൂപ്പർ വൈസർ മാരായ ശാന്തകുമാരി, അമ്പിളി, അരുണിമ, രഹന, സ്കൂൾ കൗൺസിലർമാരായ ദീപ്തി, ബൽക്കീസ് എൻഎൻഎം കോ-ഓഡിനേറ്റർ റിയാസ് എന്നിവർ പ്രസംഗിച്ചു. \’ഓറഞ്ച് ദ വേൾഡ്\’ ക്യാമ്പയിന്റെ ഭാഗമായി നവംബർ 25 മുതൽ ഡിസംബർ 10 വരെ നീണ്ടുനില്ക്കുന്ന പ്രവർത്തനങ്ങളാണ് വനിതാ ശിശു വികസന വകുപ്പ് സംസ്ഥാനത്ത് സംഘടിപ്പിക്കുന്നത്.