സ്കൂളുകളിലെ ഉച്ചഭക്ഷണ ഫണ്ട് ക്ഷാമം: പരിഹാരം ഉണ്ടാകുമെന്ന് മന്ത്രി

JOIN OUR WHATSAPP GROUP https://chat.whatsapp.com/FHz0gkFJMiP6Kca42mrmQP

തിരുവനന്തപുരം : സ്കൂൾഉച്ചഭക്ഷണ പദ്ധതിക്കുള്ള ഫണ്ടിന്റെ കുറവുമൂലം അധ്യാപകരും മറ്റു ജീവനക്കാരും അനുഭവിക്കുന്ന ബുദ്ധിമുട്ടുകൾക്ക് ഉടൻ പരിഹാരം ഉണ്ടാകുമെന്ന് മന്ത്രി വി.ശിവൻകുട്ടി. ഇതുമായി ബന്ധപ്പെട്ട് പൊതുവിദ്യാഭ്യാസ ഡയറക്ടർ ഉൾപ്പെടെയുള്ളവരുടെ യോഗം വിളിക്കും. യോഗത്തിൽ നിലവിലെ പ്രതിസന്ധിക്ക് പരിഹാരം കാണാനാകുമെന്നാണ് പ്രതീക്ഷ. നിലവിൽ ഒരുകുട്ടി ആഴ്ചയിൽ 3 ദിവസമാണ് സ്കൂളിലെത്തുന്നത്. ഒരു കുട്ടിക്ക് ഒരാഴ്ചത്തേക്കു അനുവദിക്കുന്നതു
24 രൂപയും. മുട്ടയും പാലും കൊടുത്തു തീരുമ്പോൾ 21 രൂപ ചെലവാകും.
ബാക്കി 3 രൂപ കൊണ്ട് ഉച്ച ഊണുവച്ചു നൽകേണ്ട ഗതികേടിലാണു പ്രധാനാധ്യാപകർ. പാചകവാതക
ത്തിന്റെ ചെലവ്, പച്ചക്കറി, സാധനങ്ങൾ സ്കൂളിലെത്തിക്കാനുള്ള വാഹനക്കൂലി എന്നിവയ്ക്കായി ആകെ ബാക്കിയുള്ളത് ഈ 3 രൂപയാണ്. ഈപ്രതിസന്ധി മറികടക്കാൻ അവശ്യ സാധനങ്ങൾ അധ്യാപകർ സ്വന്തമായി എത്തിക്കുകയാണ്. ഈ പ്രതിസന്ധി വ്യാപകമായി ഉണ്ടായതോടെയാണ് പരാതികൾ ഉയർന്നത്.