നാളെ മുതൽ സ്കൂളുകൾ മുഴുവൻ സമയം: പ്രചരിക്കുന്നത് വ്യാജ സന്ദേശങ്ങൾ

JOIN OUR WHATSAPP GROUP https://chat.whatsapp.com/FHz0gkFJMiP6Kca42mrmQP

തിരുവനന്തപുരം: നവംബർ 15 മുതൽ സംസ്ഥാനത്തെ സ്കൂളുകൾ വൈകീട്ട് നാലുവരെ പ്രവർത്തിക്കുമെന്ന തരത്തിൽ പ്രചരിക്കുന്ന സന്ദേശം വ്യാജമെന്ന് പൊതുവിദ്യാഭ്യാസവകുപ്പ്. ഇതുവരെ ഇത്തരത്തിലൊരു തീരുമാനം വിദ്യാഭ്യാസവകുപ്പ് കൈക്കൊണ്ടിട്ടില്ല. വിദ്യാഭ്യാസ വകുപ്പ് ഡെപ്യൂട്ടി ഡയറക്ടറുടെ അറിയിപ്പ് എന്ന തരത്തിൽ വാട്സാപ്പ് ഗ്രൂപ്പുകളിൽ ചില അധ്യാപകരുടെ വോയിസ് ക്ലിപ്പ് പ്രചരിക്കുന്നുണ്ട്. ഡിഡിയുടെയും ഡിഇഒയുടെയും അറിയിപ്പ് പ്രകാരം നാളെ രാവിലെ 10 മുതൽ വൈകിട്ട് 4 വരെ ക്ലാസുകൾ ഉണ്ടാകുമെന്ന തരത്തിലുള്ള വോയിസ് ക്ലിപ്പുകൾ ആണ് പ്രചരിക്കുന്നത്. ഇത് പല പ്രധാന അധ്യാപകരും ഗ്രൂപ്പുകളിൽ ഷെയർ ചെയ്തിട്ടുമുണ്ട്. എന്നാൽ ഇത് വ്യാജ സന്ദേശമാണെന്ന് പൊതുവിദ്യാഭ്യാസ വകുപ്പ് മന്ത്രിയുടെ ഓഫീസ് അറിയിച്ചു. ഇതുവരെ തുടർന്ന രീതിയിൽ ഉച്ചവരെ മാത്രമാണ് നാളെ ക്ലാസുകൾ നടക്കുക.