editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
ഖേലോ ഇന്ത്യാ യോഗ്യത നേടി കാലിക്കറ്റ് വനിതാ ഹോക്കി ടീംപ്രായോഗിക പരീക്ഷ, സ്പോട്ട് അഡ്മിഷൻ: കണ്ണൂർ സർവകലാശാല വാർത്തകൾപരീക്ഷാഫലങ്ങൾ, പരീക്ഷാ തീയതി, പരീക്ഷാ അപേക്ഷ, പ്രാക്റ്റിക്കൽ: എംജി സർവകലാശാല വാർത്തകൾവൊക്കേഷണൽ ഹയർ സെക്കന്ററി വിദ്യാർത്ഥികൾക്കായി ഈവർഷം മുതൽ തൊഴിൽമേളകൾസ്കൂള്‍, കോളേജ് വിദ്യാര്‍ത്ഥികള്‍ക്ക് ക്വിസ്, ഉപന്യാസ, പ്രസംഗ മത്സരങ്ങള്‍ നാളെഎംടെക് സ്പോട്ട് അഡ്മിഷൻ, 7 പരീക്ഷകളുടെ ഫലങ്ങൾ: എംജി സർവകലാശാല വാർത്തകൾപരീക്ഷാ ഫലം, പരീക്ഷാ അപേക്ഷ, മൂല്യനിര്‍ണയ ക്യാമ്പ്: കാലിക്കറ്റ്‌ സർവകലാശാല വാർത്തകൾസതേൺ ഇന്ത്യ സയൻസ് ഫെയറിന് തുടക്കം: വിവിധ സംസ്ഥാനങ്ങളിൽ നിന്ന് പങ്കാളിത്തംഹാൾ ടിക്കറ്റ് വിതരണം, പ്രിൻസിപ്പൽമാരുടെ യോഗം: കണ്ണൂർ സർവകലാശാല വാർത്തകൾഅഖിലേന്ത്യാ അന്തർ സർവകലാശാല വനിതാ വെയ്റ്റ് ലിഫ്റ്റിങ്: കാലിക്കറ്റിന് ആദ്യ മെഡൽ

19 മാസത്തിനുശേഷം തിരികെ സ്കൂളിലേക്ക്: ഇന്ന് 8.30ന് പ്രവേശനോത്സവം

Published on : November 01 - 2021 | 6:32 am

JOIN OUR WHATSAPP GROUP https://chat.whatsapp.com/D7vDVpmSibC0B9V3Li0De0

തിരുവനന്തപുരം: നീണ്ട 18 മാസങ്ങൾക്കു ശേഷം വിദ്യാർത്ഥികൾ അവരുടെ വിദ്യാലയങ്ങളിലേയ്ക്ക് തിരികെയെത്തുകയാണ്. കേരളപ്പിറവി ദിനമായ ഇന്ന് കളിയുംചിരിയും കൊണ്ട് സംസ്ഥാനത്തെ സ്കൂളുകൾ വീണ്ടും സജീവമാകുകയാണ്. ‘തിരികെ സ്കൂളിലേക്ക് ‘ എന്ന പേരിൽ വിപുലമായ സ്വീകരണങ്ങളോടെയാണ് സംസ്ഥാന പൊതുവിദ്യാഭ്യാസ വകുപ്പ് വിദ്യാർഥികളെ എതിരേൽക്കുന്നത്. മുൻകാലങ്ങളെപോലെ പ്രവേശനോത്സവം സംഘടിപ്പിച്ചാണ് കുട്ടികളെ വരവേൽക്കുന്നതും സ്കൂൾ അധ്യയനം പുനരാരംഭിക്കുന്നതും. ഒന്നാം ക്ലാസിന് പുറമെ രണ്ടാം ക്ലാസിലെ വിദ്യാർഥികളും ആദ്യമായാണ് സ്കൂളുകളിൽ എത്തുന്നത്. കഴിഞ്ഞ വർഷം ഒന്നാം ക്ലാസിൽ ചേർന്ന വിദ്യാർത്ഥികൾ കോവിഡ് വ്യാപനത്തെ തുടർന്ന് സ്കൂളുകളിൽ എത്തിയിരുന്നില്ല. ഒരു വർഷത്തെ ഓൺലൈൻ പഠനത്തിന് ശേഷമാണ് ഇവർ രണ്ടാം ക്ലാസ് പഠനത്തിനായി ആദ്യമായി സ്കൂളിലെത്തുന്നത്. ‘തിരികെ സ്കൂളിലേക്ക്’ പരിപാടിയുടെ സംസ്ഥാനതല ഉദ്‌ഘാടനം ഇന്ന് രാവിലെ 8.30 ന് തിരുവനന്തപുരം
കോട്ടൺഹിൽ എൽ.പി. സ്കൂളിൽ മന്ത്രി വി. ശിവൻകുട്ടി നിർവഹിക്കും. ചടങ്ങിൽ മന്ത്രി ആന്റണി രാജു അധ്യക്ഷനാകും. മന്ത്രിമാരായ ജി.ആർ.അനിൽ, വീണ ജോർജ് എന്നിവർ മുഖ്യാതിഥികളായിരിക്കും. മെയ് രാജേന്ദ്രന് പൊതുവിദ്യാഭ്യാസ വകുപ്പ് ഡയറക്ടർ ജീവൻ ബാബു തുടങ്ങിയവർ പങ്കെടുക്കും. ഇത്തരത്തിൽ സംസ്ഥാനത്തെ മുഴുവൻ വിദ്യാലയങ്ങളിലും പ്രവേശനോത്സവം നടക്കും. വിദ്യാർഥികളെ സ്കൂളിന്റെ പ്രവേശനകവാടത്തിൽ പൂച്ചെണ്ടുകളും മധുരവും നൽകി അധ്യാപകർ സ്വീകരിക്കും. രക്ഷിതാക്കൾ അടക്കമുള്ളവരെ സ്കൂൾ കോമ്പൗണ്ടിൽ പ്രവേശിപ്പിക്കരുത് എന്നാണ് നിർദേശം.

ആദ്യത്തെ രണ്ടാഴ്ച പാഠഭാഗങ്ങൾക്കു പ്രാധാന്യം നൽകരുതെന്ന് സ്കൂൾ മാർഗ്ഗരേഖയിലെ പ്രധാന നിർദേശം.
ആദ്യ ആഴ്ചകളിൽ കുട്ടികളുടെ സർഗ ശേഷികൾ അവതരിപ്പിക്കാനുള്ള അവസരം
നൽകണമെന്നാണ് നിർദേശം. വീടുകളിൽ ഒന്നരവർഷത്തോളം ഇരുന്നതിനാലും ഓൺലൈൻ ക്ലാസുകൾ കൊണ്ട് മനസികമായി മാറ്റം വന്നതിനാലും കുട്ടികളുടെ മാനസികാവസ്ഥ മാറ്റാനുള്ള
പ്രവർത്തനങ്ങൾ വേണം.ഇതിനായി വിവിധ കളികളും മാനസിക വ്യായാമങ്ങൾക്കുള്ള പ്രവർത്തനങ്ങളും സംഘടിപ്പിക്കണം. നവംബർ മാസത്തിലെ സ്കൂൾ പ്രവർത്തനങ്ങൾ വിലയിരുത്തിയ ശേഷം ഡിസംബറിലെ പഠനം ആസൂത്രണം ചെയ്യണം. ഓരോ കുട്ടിയുടെയും പഠനനിലവാരം പ്രത്യേകം വിലയിരുത്തണം. സ്കൂളിലെത്താൻ കഴിയാത്തവർക്കും നിലവിലെ സാഹചര്യത്തിൽ സ്കൂൾ പഠനം ആഗ്രഹിക്കാത്തവർക്കും ഓൺലൈൻ ക്ലാസുകൾ തുടരണമെന്നും മാർഗരേഖ നിർദേശിക്കുന്നു.

0 Comments

Related News