തിരുവനന്തപുരം: എയ്ഡഡ് സ്കൂളുകളിലെ പ്ലസ് വൺ പ്രവേശനത്തിന് ഈ വർഷം കമ്യൂണിറ്റിക്വാട്ടാ സീറ്റുകൾ ലഭ്യമാകും. സംവരണം പാലിക്കപ്പെടണമെന്ന കോടതി നിർദ്ദേശത്തിന്റെ അടിസ്ഥാനത്തിലാണ് പ്ലസ് വൺ പ്രവേശനത്തിന് കമ്യൂണിറ്റി ക്വാട്ട പുനഃസ്ഥാപിക്കുന്നത്. പ്ലസ് വൺ പ്രവേശനത്തിനുള്ള പ്രോസ്പെക്ടസിൽ സംവരണവുമായി ബന്ധപ്പെട്ട നിർദേശങ്ങൾ ഉൾപ്പെടുത്താൻ സർക്കാർ നിർദേശം നൽകി. എയ്ഡഡ് സ്കൂളുകളിലെ 30 ശതമാനംസംവരണത്തിൽ 20 ശതമാനം മാനേജ്മെന്റ് ക്വാട്ടയും 10ശതമാനം കമ്യൂണിറ്റിക്വാട്ടയ്ക്കും നീക്കിവയ്ക്കും.

കമ്യൂണിറ്റി സീറ്റുകളിൽ മെറിറ്റ് പാലിച്ച് ഓൺലൈനായി പ്രവേശനം നടക്കും.
സംവരണേതര വിഭാഗത്തിലെ സാമ്പത്തികമായി പിന്നാക്കം നിൽക്കുന്നവർക്കുള്ള 10 ശതമാനം സംവരണം ഈ വർഷവും ഉണ്ടാകും. പാഠാനുബന്ധ പ്രവർത്തനം, സ്വന്തം സ്കൂൾ, സ്വന്തം പഞ്ചായത്തിലെ സ്കൂൾ, ജവാന്മാരുടെ മക്കൾ തുടങ്ങിയ ഘടകങ്ങൾക്ക് നൽകുന്ന ബോണസ് പോയന്റ് പത്താണ്. ലിറ്റിൽ കൈറ്റ്സിന്റെ ഐടി ക്ലബ് അംഗങ്ങൾക്ക് ബോണസ് മാർക്കായി ഒരു പോയന്റ നൽകും.