പെരുമ്പാവൂർ: കാലടി ശ്രീശങ്കരാചാര്യ സംസ്കൃത സര്വകലാശാലയിലെ പിജി പരീക്ഷയുടെ ഉത്തരക്കടലാസുകൾ കാണാതായ സംഭവത്തിലെ അന്വേഷണം അധ്യാപകരിലേക്ക്. മൂല്യനിർണ്ണായതിനായി സൂക്ഷിച്ചിരുന്ന ഉത്തരക്കടലാസുകള് ദിവസങ്ങളോളം കാണാതായതിനു പിന്നിൽ ഗൂഡാലോചനയുണ്ടെന്നാണ് സൂചന. സംസ്കൃത സാഹിത്യം പിജി വിഭാഗത്തിലെ 276 ഉത്തരക്കടലാസുകളാണ് കാണാതായത്. ഇവ പിന്നീട് പരീക്ഷ വിഭാഗം ഓഫിസില് നിന്ന് തന്നെ കണ്ടെത്തിയിരുന്നു.
അധ്യാപകര് തമ്മിലുള്ള വിരോധമാണ് സംഭവത്തിന് പിന്നിലെന്ന് സൂചനയുണ്ട്. ഇതിന്റെ ഭാഗമായാണ് ഉത്തരക്കടലാസുകൾ മാറ്റിയതെന്നും സംശയിക്കുന്നു. അന്വേഷണത്തിന്റെ ഭാഗമായി സര്വകലാശാല ജീവനക്കാരെ നുണപരിശോധനയ്ക്ക് വിധേയരാക്കുമെന്ന് അന്വേഷണ ഉദ്യോഗസ്ഥർ പറഞ്ഞു.
ഉത്തരപേപ്പർ കാണാതായതോടെ വിദ്യാർത്ഥികൾ ഏറെ ആശങ്കയിലായിരുന്നു.