തിരുവനന്തപുരം: ജനുവരി 31ന് നടന്ന നാഷണൽ മീൻസ് കം മെറിറ്റ് സ്കോളർഷിപ്പ്  പരീക്ഷയുടെ ഫലം പ്രസിദ്ധീകരിച്ചു. nmmse.kerala.gov.in എന്ന വെബ്സൈറ്റിൽ ഫലം ലഭ്യമാണ്. ആകെ രജിസ്റ്റർ ചെയ്ത് 41,383വിദ്യാർത്ഥികളിൽ 19,896 പേർ നിശ്ചിത ശതമാനം മാർക്ക് നേടി. ഈ വിദ്യാർത്ഥികളിൽ 3,473 പേരാണ് സ്കോളർഷിപ്പിന് അർഹത നേടിയത്. വ്യക്തിഗത റിസൾട്ട്  വെബ് പോർട്ടലിലെ Results എന്ന ലിങ്കിലൂടെ റോൾ നമ്പരും, തീയതിയും നൽകി പരിശോധിക്കാൻ കഴിയും.

സ്കൂളിൽ നിന്ന് സ്കോളർഷിപ്പിന് അർഹത നേടിയ വിദ്യാർത്ഥികളുടെ ലിസ്റ്റ് സ്കൂൾലോഗിനിൽ പരിശോധനയ്ക്കായി ലഭ്യമാക്കിയിട്ടുണ്ടെന്നും സ്കൂൾതല പരിശോധനയ്ക്കുളള വിശദ നിർദേശങ്ങൾ വെബ്സൈറ്റിൽ ലഭ്യമാണെന്നുംപരീക്ഷാ സെക്രട്ടറി അറിയിച്ചു.