തിരുവനന്തപുരം: ഏപ്രിൽ 8മുതൽ ആരംഭിക്കുന്ന എസ്എസ്എൽസി പരീക്ഷയ്ക്കുള്ള ഒരുക്കങ്ങൾ പൂർത്തിയായി. ഈ വർഷം 4,22,225 വിദ്യാർത്ഥികളാണ് എസ്എസ്എൽസി പരീക്ഷ എഴുതുന്നത്. ഇതിൽ 2,06,565 പേർ പെൺകുട്ടികളാണ്.

സംസ്ഥാനത്ത് ഏറ്റവും അധികം വിദ്യാർത്ഥികൾ പരീക്ഷ എഴുതുന്നത് മലപ്പുറം ജില്ലയിലാണ്.76037 പേരാണ് മലപ്പുറം ജില്ലയിൽ പരീക്ഷയെ അഭിമുഖീകരിക്കുന്നത്. ഏറ്റവും കുറവ് പേർ ഇടുക്കിയിലാണ്. 11,295 വിദ്യാർത്ഥികളാണ് ഇടുക്കിയിൽ പരീക്ഷ എഴുതുന്നത്.

സംസ്ഥാനത്തെ സർക്കാർ സ്കൂളിൽ നിന്ന് പരീക്ഷ എഴുതുന്നത് 1,38,890 വിദ്യാർത്ഥികളാണ്. 2,53,738 പേർ എയ്ഡഡ് വിദ്യാലയങ്ങളിലെ കുട്ടികളാണ്. മാർച്ച്‌ 17 മുതൽ ആരംഭിക്കേണ്ടിയിരുന്ന എസ്എസ്എൽസി, പ്ലസ് ടു പരീക്ഷകൾ തിരഞ്ഞെടുപ്പ് കണക്കിലെടുത്താണ് ഏപ്രിൽ 8ലേക്ക് മാറ്റിയത്.