എസ്എസ്എൽസി, പ്ലസ്ടു പരീക്ഷകൾ മാർച്ച്‌ 17ൽ നിന്ന് ഏപ്രിൽ 8ലേക്ക് മാറ്റി

തിരുവനന്തപുരം: ഈ വർഷത്തെ എസ്എസ്എൽസി, പ്ലസ്ടു പരീക്ഷകൾ മാർച്ച്‌ 17ൽ നിന്ന് ഏപ്രിൽ 8ലേക്ക് മാറ്റി. നിയമസഭാ തിരഞ്ഞെടുപ്പ് കണക്കിലെടുത്ത് കേന്ദ്ര തിരഞ്ഞെടുപ്പ് കമ്മീഷന്റെതാണ് തീരുമാനം. ഏപ്രിൽ 8 മുതൽ ആരംഭിക്കുന്ന പരീക്ഷയുടെ ടൈംടേബിൾ ഉടൻ പ്രസിദ്ധീകരിക്കും.

റംസാൻ ആരംഭിക്കുന്നതിനു മുൻപ്,
8,9,12 തിയതികളിൽ രാവിലെയും ഉച്ചയ്ക്കുമായി പരീക്ഷ നടക്കും. റംസാൻ നോമ്പ് ആരംഭിച്ചാൽ
പിന്നീടുള്ള ദിവസങ്ങളിൽ രാവിലെ മാത്രമാകും പരീക്ഷ. ഏപ്രിൽ 30ന് പരീക്ഷ അവസാനിക്കും.