എൻജിനീയറിങ്, ആര്‍ക്കിടെക്ചര്‍ കോഴ്സുകളിലേയ്ക്കുള്ള അവസാനഘട്ട അലോട്ട്‌മെന്റ് പ്രസിദ്ധീകരിച്ചു

തിരുവനന്തപുരം: എൻജിനീയറിങ്/ഫാർമസി/ആര്‍ക്കിടെക്ചര്‍ കോഴ്സുകളിലേയ്ക്കുള്ള അവസാനഘട്ട അലോട്ട്മെന്റ് പരീക്ഷാകമ്മീഷണറുടെ വെബ്‌സൈറ്റിൽ (https://www.cee.kerala.gov.in) പ്രസിദ്ധീകരിച്ചു. അലോട്ട്മെന്റ് ലഭിച്ച വിദ്യാർത്ഥികൾക്ക് നവംബർ 11 മുതൽ 13-ന് വൈകിട്ട് നാല് വരെ അതത് കോളജുകളിൽ പ്രവേശനം നേടാം.

എൻജിനീയറിങ്/ഫാർമസി കോഴ്സുകളിലേയ്ക്കുള്ള മൂന്നാംഘട്ട അലോട്ട്മെന്റിലേയ്ക്കും ആർക്കിടെക്ചർ കോഴ്സിലേയ്ക്കുള്ള രണ്ടാംഘട്ട അലോട്ട്മെന്റുമാണ് പ്രസിദ്ധീകരിച്ചിട്ടുള്ളത്. അവസാന അലോട്ട്മെന്റ് ആയതിനാൽ തന്നെ പുതുതായി ഉൾപ്പെടുത്തിയ അഞ്ച് സ്വാശ്രയ ഫാർമസി കോളജുകളിലേക്കും പാലക്കാട് ഗവൺമെന്റ് എൻജിനീയറിങ് കോളജിലെ സിവിൽ എൻജിനീയറിങ് കോഴ്സിലേയ്ക്കും കോതമംഗലം എം.എ.കോളജിലെ കംപ്യൂട്ടർ സയൻസ് (ഡാറ്റാ സയൻസ്) കോഴ്സിലേക്കും അലോട്ട്മെന്റ് നടത്തിയിട്ടുണ്ട്.
വിദ്യാർത്ഥികൾക്ക് നവംബർ 13വരെ ഓൺലൈൻ പേയ്മെന്റ് മുഖാന്തരമോ കേരളത്തിലെ ഏതെങ്കിലും ഹെഡ് പോസ്റ്റോഫീസ് മുഖാന്തരമോ ഫീസ് അടയ്ക്കാം. വിവരങ്ങൾക്ക്: 0471-2525300