കാലിക്കറ്റ്‌ സർവകലാശാല കമ്മ്യൂണിറ്റി ക്വാട്ട ബിരുദ പ്രവേശനം 16 മുതൽ 22 വരെ

തേഞ്ഞിപ്പലം: കാലിക്കറ്റ് സർവകലാശാല ബിരുദ പ്രവേശനത്തിന് എയ്‌ഡഡ്‌ കോളജുകളിലെ കമ്മ്യൂണിറ്റി ക്വാട്ടയിലേക്ക് അപേക്ഷിച്ചവരുടെ പട്ടിക  അതത് കോളജുകളിൽ ലഭ്യമാണ്.കമ്മ്യൂണിറ്റി ക്വാട്ട ലിസ്റ്റിൽ ഉൾപ്പെട്ട വിദ്യാർത്ഥികൾക്ക് ഒക്‌ടോബർ 15-ന്  വൈകുന്നേരം 5 മണി വരെ സ്റ്റുഡന്റ് ലോഗിൻ വഴി ഓൺലൈനായോ കോളജുമായി നേരിട്ട് ബന്ധപ്പെട്ടോ കമ്മ്യൂണിറ്റി ക്വാട്ട റാങ്ക് ലിസ്റ്റിലേക്ക് റിപ്പോർട്ട് ചെയ്യാം. ഇതുപ്രകാരം റിപ്പോർട്ട് ചെയ്യുന്ന വിദ്യാർത്ഥികളെ മാത്രമായിരിക്കും കമ്മ്യൂണിറ്റി ക്വാട്ട റാങ്ക് ലിസ്റ്റിലേക്ക് ഉൾപ്പെടുത്തുക . ഓൺലൈൻ റിപ്പോർട്ടിങ്  താഴെ പറയുന്ന പ്രകാരം  നടത്താവുന്നതാണ്.
cuonline.ac.in/ug =>  Student Login => Community Quota Reporting=> Report(button) 
ഒക്‌ടോബർ 16 – ന് ഉച്ചയ്ക്ക് 12 മണിക്ക് എല്ലാ കോളജുകളിലും റാങ്ക് ലിസ്റ്റ്പ്രസിദ്ധീകരിക്കുന്നതാണ്. ഒക്‌ടോബർ 16 മുതൽ 22  വരെ ആയിരിക്കും കമ്മ്യൂണിറ്റി ക്വാട്ട പ്രവേശനം നടക്കുക. കമ്മ്യൂണിറ്റി ക്വാട്ടയിലേക്ക്  പ്രവേശനം നേടുന്ന  വിദ്യാർഥികൾ സ്റ്റുഡന്റ് ലോഗിൻ വഴി മാന്റേറ്ററി  ഫീസ്  അടക്കണം.