തിരുവനന്തപുരം: ജൂണ് ഒന്നുമുതൽ ആരംഭിച്ച ഓണ്ലൈന് പഠന രീതിക്ക് വലിയ സ്വീകാര്യതയാണ് ലഭിച്ചതെന്ന് മുഖ്യമന്ത്രി പിണറായി വിജയൻ. പല ക്ലാസുകളും കുട്ടികള്ക്കും രക്ഷിതാക്കള്ക്കും നന്നായി ഇഷ്ടപ്പെട്ടു എന്നാണ് അവരുടെ പ്രതികരണങ്ങളില് നിന്ന് നമുക്ക് മനസ്സിലാക്കാന് കഴിഞ്ഞതെന്നും മുഖ്യമന്ത്രി പറഞ്ഞു.
പൊതുവിദ്യാഭ്യാസ വകുപ്പ് ആദ്യമായാണ് ഇത്തരം ഓണ്ലൈന് ക്ലാസുകള് സംഘടിപ്പിക്കുന്നത്. 41 ലക്ഷം കുട്ടികളെയും ഓണ്ലൈന് ക്ലാസുകളില് പങ്കെടുപ്പിക്കുകയെന്ന വലിയ ഉത്തരവാദിത്വം നമ്മുടെ മുന്നില് ഉണ്ടായിരുന്നു. ഓണ്ലൈനെ സംബന്ധിച്ച് തീരുമാനമെടുത്തപ്പോള് തന്നെ എത്രത്തോളം കുട്ടികള്ക്ക് ഓണ്ലൈന് സാധ്യമാകുമെന്ന പരിശോധനയും വിദ്യാഭ്യാസ വകുപ്പ് നടത്തിയിട്ടുണ്ട്. അധ്യാപകര് തന്നെ കുട്ടികളും രക്ഷിതാക്കളുമായി ബന്ധപ്പെടാനും പരിശോധന നടത്താനുമായിരുന്നു തീരുമാനിച്ചത്. നമ്മുടെ സംസ്ഥാനത്ത് 41 ലക്ഷം കുട്ടികളാണ് ഒന്ന് മുതല് 12-ാം ക്ലാസ്സ് വരെ പൊതുവിദ്യാലയങ്ങളുടെ ഭാഗമായുള്ളത്. പ്ലസ്വണ് വിദ്യാര്ത്ഥികള് ഉള്പ്പെടാതെയുള്ള കണക്കാണിത്. പ്ലസ്വണ് പ്രവേശനം നടന്നിട്ടില്ല. ജൂണ് മാസം കുട്ടികളുടെ ക്ലാസുകള് ആരംഭിക്കുന്ന സമയമാണ്. കോവിഡിന്റെ പശ്ചാത്തലത്തില് സ്കൂളുകള് തുറക്കാന് കഴിയാത്ത സാഹചര്യം ഉടലെടുത്തു. ഈ പശ്ചാത്തലത്തിലാണ് നമ്മുടെ കുട്ടികള്ക്ക് പഠിക്കാനുള്ള സൗകര്യമൊരുക്കാന് തീരുമാനിച്ചത്. വിദ്യാഭ്യാസ വകുപ്പ് ഓണ്ലൈന് ക്ലാസുകള്ക്കുള്ള പദ്ധതികളാണ് തയ്യാറാക്കിയത്. വിക്ടേഴ്സ് ചാനല് വഴിയും വിക്ടേഴ്സിന്റെ സോഷ്യല് മീഡിയ അക്കൗണ്ടുകള് വഴിയും കുട്ടികളെ പഠിപ്പിക്കുകയെന്നതായിരുന്നു തീരുമാനം.
ഓണ്ലൈന് പഠന രീതിക്ക് വലിയ സ്വീകാര്യത: ക്ലാസുകൾ മികച്ചത്
Published on : June 03 - 2020 | 8:20 pm

Related News
Related News
ഒന്നാംവർഷ ഹയർ സെക്കന്ററി ഇംപ്രൂവ്മെന്റ്/സപ്ലിമെന്ററി പരീക്ഷയുടെ പുനർമൂല്യനിർണ്ണയ ഫലം
SUBSCRIBE OUR YOUTUBE CHANNEL...
ഖേലോ ഇന്ത്യാ യോഗ്യത നേടി കാലിക്കറ്റ് വനിതാ ഹോക്കി ടീം
SUBSCRIBE OUR YOUTUBE CHANNEL...
പരീക്ഷാഫലങ്ങൾ, പരീക്ഷാ തീയതി, പരീക്ഷാ അപേക്ഷ, പ്രാക്റ്റിക്കൽ: എംജി സർവകലാശാല വാർത്തകൾ
SUBSCRIBE OUR YOUTUBE CHANNEL...
വൊക്കേഷണൽ ഹയർ സെക്കന്ററി വിദ്യാർത്ഥികൾക്കായി ഈവർഷം മുതൽ തൊഴിൽമേളകൾ
SUBSCRIBE OUR YOUTUBE CHANNEL...
0 Comments