ന്യൂഡൽഹി: നവോദയ വിദ്യാലയങ്ങളിലേയ്ക്ക് റിക്രൂട്ട്മെന്റ് നടപടികള് പൂര്ത്തിയായ അധ്യാപകര്ക്ക് ലോക്ക് ഡൗണിനുശേഷം നിയമന ഉത്തരവ് ലഭിക്കുമെന്ന് മാനവ വിഭവശേഷി വികസന വകുപ്പ് മന്ത്രി രമേശ് പൊക്രിയാല് നിശാങ്ക്. രാജ്യത്തെ അധ്യാപകരുമായി നടത്തിയ \’ആചാര്യദേവോ ഭവ:\’ വെബിനാറിലാണ് മന്ത്രി ഇക്കാര്യം അറിയിച്ചത്. നെറ്റ് പരീക്ഷ തീയതി ഉടൻ പ്രഖ്യാപിക്കുമെന്ന് അദ്ദേഹം പറഞ്ഞു. കേന്ദ്രീയ വിദ്യാലയങ്ങളില് 8000ത്തോളം അധ്യാപകരെയും നവോദയ വിദ്യാലയങ്ങളില് 2500 ഓളം പേരെയും നിയമിച്ചു. സർവകലാശാലകളിൽ 12,000 അധ്യാപകരെ നിയമിച്ചതായും അദ്ദേഹം ചോദ്യത്തിന് മറുപടിയായി അറിയിച്ചു. അധ്യാപകർക്ക് ഓണ്ലൈന് വിദ്യാഭ്യാസ സമ്പ്രദായത്തിന് വേണ്ട പരിശീലന പരിപാടികള് പൂര്ണ തോതില് നടക്കുന്നുണ്ടെന്നും ലക്ഷക്കണക്കിനു അധ്യാപകര് ഇതില് പങ്കെടുക്കുന്നതായും മന്ത്രി പറഞ്ഞു. പണ്ഡിറ്റ് മദന് മോഹന് മാളവ്യ നാഷണല് മിഷന് പദ്ധതിയുടെ കീഴില്, രാജ്യത്തെ അധ്യാപകര്ക്ക് ഇ-ലേണിങ്ങ് പരിശീലനം നല്കി വരുന്നതായി അദ്ദേഹം വെബിനറിലൂടെ അറിയിച്ചു.
വേനലവധിക്കാലത്തെ സ്പെഷ്യൽ ക്ലാസുകൾ അനുവദിക്കില്ല; നിയമലംഘനം നടത്തുന്നവർക്കെതിരെ കർശന നടപടി
തിരുവനന്തപുരം:സംസ്ഥാനത്തെ വിദ്യാലയങ്ങളിൽ വേനലവധിക്കാലത്ത് സ്പെഷ്യൽ ക്ലാസുകൾ സംഘടിപ്പിക്കുന്നത്...
