editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
ഉന്നതവിദ്യാഭ്യാസ രംഗത്ത് മികച്ച പഠന സൗകര്യങ്ങളൊരുക്കി മലബാർ അക്കാദമിക് സിറ്റി: വിവിധ കോഴ്സുകളിൽ പ്രവേശനംതിരുവനന്തപുരം ബധിര വിദ്യാലയത്തിൽ വിവിധ തസ്തികകളിൽ താൽക്കാലിക നിയമനം: ഇന്റർവ്യൂ മെയ്‌ 25ന്മെഡിക്കൽ കോളേജുകളിൽ വിദ്യാർത്ഥികളടക്കമുള്ളവരുടെ ഐഡി കാർഡ് പരിശോധന നിർബന്ധമാക്കണം: മന്ത്രി വീണാ ജോർജ്ലാബ് അസിസ്റ്റൻറ് നിയമനം, പരീക്ഷാഫലം: ഇന്നത്തെ കണ്ണൂർ സർവകലാശാല വാർത്തകൾവഡോദര നാഷണൽ റെയിൽ ആൻഡ് ട്രാൻസ്പോർട്ടേഷൻ ഇൻസ്റ്റിറ്റ്യൂട്ടിൽ ബിരുദ, ബിരുദാനന്തര പ്രവേശനംമുടങ്ങിയ ബിരുദപഠനം കാലിക്കറ്റിന്റെ എസ്ഡിഇയില്‍ തുടരാംസി- ഡാക്കിൽ വിവിധ തസ്തികകളിൽ കരാർ നിയമനം: 178 ഒഴിവുകൾയുജി പരീക്ഷകൾ മെയ് 31മുതൽ, പരീക്ഷാഫലം: ഇന്നത്തെ എംജി വാർത്തകൾ  യുജി പരീക്ഷകൾ ജൂൺ 7മുതൽ, പ്രവേശന പരീക്ഷാ ഹാള്‍ടിക്കറ്റ്: ഇന്നത്തെ കാലിക്കറ്റ്‌ സർവകലാശാല വാർത്തകൾഒന്നാം ക്ലാസിൽ ചേരുന്നവർക്ക് ഒരു വെള്ളിനാണയം: പുതിയ ആശയവുമായി ഒരു സർക്കാർ സ്കൂൾ

പൊതുവിദ്യാലയങ്ങളിൽ ഇംഗ്ലീഷ് പരിജ്ഞാനം മെച്ചപ്പെടുത്താൻ ഇ-ക്യൂബ് ഇംഗ്ലീഷ് പദ്ധതി വരുന്നു

Published on : February 24 - 2020 | 8:43 am

തിരുവനന്തപുരം: പൊതുവിദ്യാലയങ്ങളിലെ വിദ്യാർത്ഥികൾക്ക് ഇംഗ്ലീഷ് പരിജ്ഞാനം മെച്ചപ്പെടുത്താൻ ഇ-ക്യൂബ് ഇംഗ്ലീഷ് പദ്ധതി നടപ്പാക്കും. പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി സ്‌കൂളുകളിൽ നിലവിൽ വന്ന ഹൈടെക് സംവിധാനങ്ങൾ പ്രയോജനപ്പെടുത്തിയുള്ള ഇ-ക്യൂബ് (E3) ഇംഗ്ലീഷ് പദ്ധതി സർക്കാർ അംഗീകരിച്ചു.
വരുന്ന അവധിക്കാലത്ത് ഒന്നു മുതൽ ഏഴുവരെ ക്ലാസുകളിലെ മുഴുവൻ അധ്യാപകർക്കും ഇ-ക്യൂബ് ഇംഗ്ലീഷിന്റെ പ്രത്യേക പരിശീലനം നൽകി അടുത്ത അധ്യയനവർഷം മുതൽ പദ്ധതി പൂർണമായും നടപ്പാക്കാനാണ് തീരുമാനം.
പൊതുവിദ്യാഭ്യാസ ഡയറക്ടറുടെ മേൽനോട്ടത്തിൽ എസ്.സി.ഇ.ആർ.ടി-യുടെ അക്കാദമിക പിന്തുണയോടെയാണ് മുഴുവൻ കുട്ടികളിലേക്കുമെത്തുന്ന തരത്തിൽ കൈറ്റ് ഇ-ക്യൂബ് ഇംഗ്ലീഷ് പദ്ധതി നടപ്പാക്കുക.
പദ്ധതിയുടെ ഭാഗമായി സമഗ്ര ഇ-ലൈബ്രറി, ഇ-ലാംഗ്വേജ് ലാബ്, ഇ-ബ്രോഡ്കാസ്റ്റ് സംവിധാനങ്ങൾ ഒരുക്കും.
ഇംഗ്ലീഷിലെ സമഗ്ര ഇ-ലൈബ്രറി’യുടെ ഭാഗമായി സമഗ്ര പോർട്ടൽ വഴി ലോക നിലവാരമുള്ള ഇംഗ്ലീഷ് പുസ്തകങ്ങളുടെ ഡിജിറ്റൽ ലൈബ്രറി സജ്ജമാക്കും. നിലവിൽ ഒന്നു മുതൽ എട്ടുവരെ ക്ലാസുകളിലേക്ക് കുട്ടികളുടെ വായനാതലം അനുസരിച്ച് കളർ ചിത്രങ്ങളോടുകൂടി ആസ്വാദ്യകരമായ ഇരുന്നൂറോളം പുസ്തകങ്ങൾ പോർട്ടലിൽ ലഭ്യമാക്കിക്കഴിഞ്ഞു. ഈ പുസ്തകങ്ങൾ കുട്ടികൾക്ക് ലാബുകളിൽ സ്വന്തമായും അധ്യാപകരുടെ സഹായത്തോടെയും വായിക്കാം. വിദ്യാർത്ഥികളുടെ ഇംഗ്ലീഷ് ഭാഷാ പ്രാവീണ്യം വർദ്ധിപ്പിക്കുന്നതിനും പഠനം കൂടുതൽ രസകരമാക്കുന്നതിനും ഇതുവഴി അവസരമൊരുങ്ങും.
പഠനാനുഭവങ്ങൾ ഇ-ലാംഗ്വേജ് ലാബിന്റെ രൂപത്തിൽ ലഭ്യമാക്കുന്നതാണ് പദ്ധതിയുടെ രണ്ടാമത്തെ ഘടകം. ഓരോ കുട്ടിക്കും തന്റെ പഠനവേഗതയ്ക്കനുസരിച്ച് ഇംഗ്ലീഷ് കേൾക്കാനും വായിക്കാനും സംസാരിക്കാനുമുള്ള അവസരം കൈറ്റ് തയ്യാറാക്കിയ സ്വതന്ത്ര സോഫ്റ്റ്‌വെയർ അധിഷ്ഠിത ലാംഗ്വേജ് ലാബ് സോഫ്റ്റ്‌വെയറിലൂടെ ലഭ്യമാകും. ഇംഗ്ലീഷ് റൈമുകൾ, പാട്ടുകൾ, ഉച്ചാരണം, വാക്കുകൾ, വ്യാകരണം എന്നിവ സമ്പുഷ്ഠമാക്കാൻ ഇ-ലാംഗ്വേജ് ലാബിലുടെ കുട്ടികൾക്ക് അവസരം ലഭിക്കും. ഓരോ കുട്ടിയുടെയും കഴിവും പോരായ്മയും പരിഗണിച്ചു കുട്ടിയ്ക്ക് പിന്തുണ നൽകാൻ കഴിയുന്നവിധം അധ്യാപകരെ പര്യാപ്തരാക്കും.
ഇംഗ്ലീഷ് ഭാഷ പ്രായോഗിക സന്ദർഭങ്ങളിൽ ഉപയോഗിക്കാൻ അവസരം നൽകുന്ന തരത്തിൽ ഇന്ററാക്ടീവ് രീതിയിൽ ഇംഗ്ലീഷ് വിനിമയ നൈപുണികൾ നേടിയെടുക്കാൻ കൈറ്റ് വിക്ടേഴ്‌സ് ചാനൽ കൂടി പ്രയോജനപ്പെടുത്തുന്നതാണ് ഇ-ബ്രോഡ്കാസ്റ്റ് എന്ന മൂന്നാമത്തെ ഘടകം. വിവിധ സന്ദർഭങ്ങളിൽ ഭാഷ ഒഴുക്കോടെയും കൃത്യതയോടെയും ഉപയോഗിക്കാനുള്ള നൈപുണികൾ ഇതുവഴി കുട്ടികൾക്ക് ലഭിക്കും.
വ്യക്തിഗത ആശയവിനിമയത്തിനുള്ള നൈപുണികൾക്കൊപ്പം തങ്ങളുടെ ചിന്തകളും വികാരങ്ങളും വാമൊഴിയിലൂടെയും എഴുത്തിലൂടെയും അർത്ഥവത്തായ രീതിയിൽ ഇംഗ്ലീഷിൽ പ്രകടിപ്പിക്കാൻ ഇ-ക്യൂബ് ഇംഗ്ലീഷ് അവസരമൊരുക്കും.

0 Comments

Related News