തിരുവനന്തപുരം: എസ്എസ്എൽസി പരീക്ഷാഫലം ജൂലൈ ആദ്യവാരത്തിൽ പ്രസിദ്ധീകരിക്കാനുള്ള നടപടികളുമായി പരീക്ഷാഭവൻ. സംസ്ഥാനത്തെ വിവിധ ക്യാമ്പുകളിൽ നടക്കുന്ന മൂല്യനിർണ്ണയം 95 ശതമാനം പൂർത്തിയായതായി പരീക്ഷാഭവൻ അറിയിച്ചു. ജൂലായ്‌ ആദ്യവാരത്തിൽ തന്നെ ഫലം പ്രസിദ്ധീകരിക്കും.
മൂല്യനിർണയ ജോലികൾ അവസാനഘട്ടത്തിലാണ്. ഇത് അടുത്ത ദിവസം പൂർത്തിയായാൽ ഫലപ്രഖ്യാപനത്തിനുള്ള തിയതി പ്രഖ്യാപിക്കും. എസ്എസ്എൽസി ഫലത്തിന് തൊട്ടുപിന്നാലെ ഹയർ സെക്കൻഡറി ഫലവും പ്രസിദ്ധീകരിക്കും. 13 ലക്ഷത്തോളം വിദ്യാർത്ഥികളാണ് ഇത്തവണ എസ്എസ്എൽസി ഹയർ സെക്കൻഡറി വിഭാഗങ്ങളിലായി പരീക്ഷ എഴുതിയത്.
