പാലക്കാട്: വ്യവസായ വകുപ്പിന്റെ നേതൃത്വത്തിൽ നടപ്പിലാക്കുന്ന ‘ടി.വി. ചലഞ്ച് ‘ പദ്ധതി പ്രകാരം പാലക്കാട് ജില്ലയിലെ ഓൺലൈൻ പഠനത്തിനായുള്ള ടിവികൾ വിതരണം ചെയ്തു തുടങ്ങി. ആദ്യഘട്ടത്തില് 125 ടെലിവിഷനുകളാണ് പാലക്കാട് ജില്ലാ വ്യവസായ കേന്ദ്രത്തിന്റെ നേതൃത്വത്തില് വിദ്യാഭ്യാസ വകുപ്പിന് കൈമാറിയത്. ജില്ലാ കലക്ടര് ഡി. ബാലമുരളി വിദ്യാഭ്യാസ വകുപ്പിനുള്ള ടെലിവിഷനുകള് ജില്ലാ വ്യവസായ കേന്ദ്രം ജനറല് മാനേജര് ജി. രാജ്മോഹനില് നിന്നും ഏറ്റുവാങ്ങി.
കോവിഡ് 19 വ്യാപനത്തിന്റെ പശ്ചാത്തലത്തില് സര്ക്കാര് നടപ്പിലാക്കുന്ന ഓണ്ലൈന് പഠനത്തിനായി സൗകര്യങ്ങളില്ലാത്ത വിദ്യാര്ത്ഥികള്ക്ക് പഠനോപകരണമെന്ന നിലയിലാണ് ടിവി ചലഞ്ച് പ്രകാരം ടെലിവിഷനുകള് വിതരണം ചെയ്യുന്നത്. ബി.ആര്.സി തലത്തില് 12 സബ് ജില്ലകളിലായി 369 കേന്ദ്രങ്ങളിലേക്കായി 369 ടെലിവിഷനുകളാണ് വ്യവസായ വകുപ്പ് ഇത്തരത്തില് നല്കുക.
കേരള മീഡിയ അക്കാദമിയുടെ വീഡിയോ എഡിറ്റിങ് കോഴ്സ്: സീറ്റൊഴിവ്
തിരുവനന്തപുരം:സർക്കാർ സ്വയംഭരണസ്ഥാപനമായ കേരള മീഡിയ അക്കാദമിയുടെ തിരുവനന്തപുരം...