പരീക്ഷക്കാലം തുടങ്ങുന്നു: സിബിഎസ്ഇ 10,12 ക്ലാസ് ബോർഡ്‌ പരീക്ഷകളും എസ്എസ്എൽസി പ്രാക്റ്റിക്കലും നാളെമുതൽ

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/Ce7kAu5nnHX7LD7X4pg8Xw

തിരുവനന്തപുരം: ഈ വർഷത്തെ സിബിഎസ്ഇ ബോർഡ്‌ പരീക്ഷകൾ നാളെ ആരംഭിക്കും. കേരളത്തിലെ എസ്എസ്എൽസി ഐടി, പ്രാക്ടിക്കൽ പരീക്ഷകൾക്കും നാളെ തുടക്കമാവുകയാണ്. 10, 12 ക്ലാസുകളിലെ സിബിഎസ്ഇ ബോർഡ് പരീക്ഷകളാണ് നാളെ ആരംഭിക്കുക. പരീക്ഷ ടൈം ടേബിൾ അനുസരിച്ച്, പത്താം ക്ലാസ് പരീക്ഷകൾ മാർച്ച് 21നും 12 ക്ലാസ് പരീക്ഷകൾ ഏപ്രിൽ 5നും അവസാനിക്കും. രാവിലെ 10.30നാണ് പരീക്ഷകൾ ആരംഭിക്കുക. പരീക്ഷ അഡ്മിറ്റ് കാർഡ് കഴിഞ്ഞ ദിവസം സിബിഎസ്ഇ പ്രസിദ്ധീകരിച്ചിരുന്നു. സിബിeഎസ്ഇ ക്ക് പിന്നാലെ കേരള സിലബസ് പ്രകാരമുള്ള സംസ്ഥാനത്തെ വിദ്യാലയങ്ങളിൽ എസ്എസ്എൽസി, പ്ലസ് ടു പരീക്ഷകളും ആരംഭിക്കുകയാണ്.

എസ്എസ്എൽസി ഐടി, പ്രാക്ടിക്കൽ പരീക്ഷകൾ ഫെബ്രുവരി 15മുതൽ 25 വരെ നടക്കും. എസ്എസ്എൽസി മോഡൽ പരീക്ഷകൾ ഫെബ്രുവരി 27ന് ആരംഭിക്കും. 27മുതൽ മാർച്ച് 3വരെ തുടർച്ചയായി പരീക്ഷ നടക്കും. അവസാനദിനം ഒഴികെ എല്ലാ ദിവസവും രാവിലെ 9.45നും ഉച്ചയ്ക്ക് 2നും 2 പരീക്ഷകൾ വീതം നടക്കും. അവസാനദിനം രാവിലെ മാത്രമാണ് പരീക്ഷ ഉള്ളത്. മാർച്ച് 9മുതൽ 29 വരെയാണ് എസ്എസ്എൽസി ബോർഡ് പരീക്ഷ നടക്കുക. മാർച്ച് 9മുതൽ ആരംഭിക്കുന്ന പരീക്ഷ 29വരെ നീളും. രാവിലെ 9.30 മുതൽ 11.15വരെയാണ് പരീക്ഷാസമയം.