SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/DJyDol6Ntu898w1sWLREHb
തിരുവനന്തപുരം: കേരള മത്സ്യത്തൊഴിലാളി ക്ഷേമനിധി ബോര്‍ഡില്‍ ഫിഷറീസ് ഓഫീസര്‍, അസിസ്റ്റന്റ് തസ്തികകളിലേയ്ക്ക് അപേക്ഷിക്കാം. ആലപ്പുഴ, കോട്ടയം, എറണാകുളം, തൃശ്ശൂര്‍, മലപ്പുറം, കോഴിക്കോട്, കണ്ണൂര്‍, കാസര്‍ഗോഡ് ജില്ലകളിലാണ് ഫിഷറീസ് ഓഫീസര്‍ തസ്തികകളില്‍ ഒഴിവ്. തൃശ്ശൂര്‍ ജില്ലയിലാണ് അസിസ്റ്റന്റ് തസ്തികയില്‍ ഒഴിവുള്ളത്.
സംസ്ഥാനസര്‍ക്കാര്‍/അര്‍ധസര്‍ക്കാര്‍ സര്‍വ്വീസില്‍ ക്ലാര്‍ക്ക് തസ്തികയിലോ, സമാന തസ്തികകളിലോ ജോലി ചെയ്യുന്നവര്‍ക്ക് വകുപ്പ് മേധാവി മുഖേന നിശ്ചിത തസ്തികകളിലേയ്ക്ക് അപേക്ഷിക്കാം.
![\"\"](\"https://schoolvartha.com/wp-content/uploads/2022/10/Vishualize-another-02-02-1024x1018.jpg\")
അംഗീകൃത സര്‍വകലാശാലയില്‍ നിന്നുള്ള ബിരുദമാണ് യോഗ്യത. കംപ്യൂട്ടര്‍ പരിജ്ഞാനം അഭിലഷണീയം. 2013 ഏപ്രില്‍ 1ന് ശേഷം സര്‍വ്വീസില്‍ പ്രവേശിച്ചവര്‍ക്ക് മുന്‍ഗണന. താത്പര്യമുള്ളവര്‍ ബയോഡേറ്റ, 144 കെ.എസ്.ആര്‍ പാര്‍ട്ട് 1 സ്റ്റേറ്റ്മെന്റ്, സമ്മതപത്രം, മേലധികാരി സാക്ഷ്യപ്പെടുത്തി നല്‍കിയ എന്‍.ഒ.സി എന്നിവ സഹിതം അപേക്ഷ (മൂന്ന് സെറ്റ്) കമ്മീഷണര്‍, കേരള മത്സത്തൊഴിലാളി ക്ഷേമനിധി ബോര്‍ഡ്, പൂങ്കുന്നം – 680002 എന്ന മേല്‍ വിലാസത്തില്‍ ഡിസംബര്‍ 31നകം നല്‍കണം. വിശദവിവരങ്ങള്‍ക്ക്: 0487-2383053, 0487 2383088.
![\"\"](\"https://schoolvartha.com/wp-content/uploads/2022/10/IMG-20221031-WA0046-1024x1024.jpg\")
