മെഡിക്കൽ റാങ്ക് ലിസ്റ്റ്: NEET സ്കോർ ഇന്നുമാത്രം

JOIN OUR WHATSAPP GROUP https://chat.whatsapp.com/BCOwaLGheC02b6xzMmfnRT

തിരുവനന്തപുരം: കേരള മെഡിക്കല്‍ റാങ്ക് പട്ടിക  തയ്യാറാക്കുന്നതിനായി വിദ്യാർത്ഥികൾക്ക് അവരുടെ NEET സ്കോർ ഓൺലൈനായി നൽകാനുള്ള അവസാന തീയതി ഇന്ന്. ഇന്ന് വൈകിട്ട് 5വരെയാണ് സ്കോർ അപ്‌ലോഡ് ചെയ്യാനുള്ള സമയം.  കേരളത്തിലെ എംബിബിസ്, ബിഡിഎസ്, ആയുർവേദം, ഹോമിയോപ്പതി, സിദ്ധ,യൂനാനി എന്നീ മെഡിക്കൽ കോഴ്സുകളിലേക്കും അ​ഗ്രികൾച്ചർ (Bsc. (hon) Agri) ഫോറസ്ട്രി [BSc (Hons) Forestry], വെറ്റിനറി [BVSc & AH], ഫിഷറീസ് [BFSc] , ബിഎസ് സി കോഓപ്പറേഷൻ ആന്റ് ബാങ്കിം​ഗ് (BSc (Hons) Co-operation & Banking). ബി എസ് സി ക്ലൈമറ്റ് ചേഞ്ച് ആന്റ് എൻവയോൺമെന്റൽ സയൻസ് (B.Sc ( Hons). Climate Change & Environmental Sceince), ബി ടെക് ബയോടെക്നോളജി (B.Tech Biotechnology(under KAU) എന്നീ അനുബന്ധ കോഴ്സുകളിലേക്കുമുള്ള പ്രവേശനത്തിനായി സംസ്ഥാന റാങ്ക് ലിസ്റ്റുകൾ തയ്യാറാക്കുന്നതിന് നീറ്റ് യുജി പരീക്ഷ ഫലം ഓൺലൈനായി സമർപ്പിക്കേണ്ട തീയതി ഈ മാസം 30ന് വൈകിട്ട് 5വരെ നീട്ടി നൽകുകയായിരുന്നു. ഇന്ന് നീറ്റ് പരീക്ഷഫലം പ്രവേശന പരീക്ഷ കമ്മീഷണർക്ക് ഓൺലൈനായി സമർപ്പിക്കാത്ത അപേക്ഷകരെ 2021 ലെ മെഡിക്കൽ കോഴ്സുകളിലേക്കും അനുബന്ധ കോഴ്സുകളിലേക്കുമുള്ള റാങ്ക് ലിസ്റ്റുകളിൽ ഉൾപ്പെടുത്തില്ല.