അൺഎയ്ഡഡ് സ്കൂളുകൾക്ക് സർക്കാർ അംഗീകാരം : നവംബർ 14 വരെ അപേക്ഷിക്കാം

തിരുവനന്തപുരം: സംസ്ഥാനത്ത് അംഗീകാരമില്ലാതെ പ്രവർത്തിക്കുന്ന അൺ എയ്ഡഡ് സ്കൂളുകൾക്ക് അംഗീകാരത്തിനായി അപേക്ഷ സമർപ്പിക്കുന്നതിനുള്ള സമയം നവംബർ 14 വരെ നീട്ടി. സ്കൂൾ അധികൃതർ ബന്ധപ്പെട്ട ജില്ലാവിദ്യാഭ്യാസ ആഫീസുകളിൽ അപേക്ഷ സമർപ്പിക്കുന്നതിനുള്ള അവസാന തീയതിയാണ് നീട്ടി നൽകിയത്. സി.ബി.എസ്.ഇ/ഐ.സി.എസ്.ഇ സിലബസിൽ പ്രവർത്തിക്കുന്ന സ്കൂളുകൾ എൻ.ഒ.സി/അംഗീകാരം ലഭിക്കുന്നതിനായും സംസ്ഥാന സിലബസിൽ പ്രവർത്തിക്കുന്ന സ്കൂളുകൾക്ക് അംഗീകാരം
ലഭിക്കുന്നതിനായും നേരത്തെ ഇറക്കിയ സർക്കാർ ഉത്തരവ് പ്രകാരം അപേക്ഷ സമർപ്പിക്കാം. നിർദ്ദിഷ്ട അപേക്ഷാഫോറത്തിൽ
ആവശ്യമായ രേഖകൾ സഹിതം ബന്ധപ്പെട്ട ജില്ലാ വിദ്യാഭ്യാസ ആഫീസർക്ക്
14.11.2021- ന് മുൻപ് അപേക്ഷ സമർപ്പിക്കാവുന്നതാണ്.