കാലിക്കറ്റ് ബിരുദ പ്രവേശനം: കമ്യൂണിറ്റി ക്വാട്ടയിൽ ഇക്കാര്യങ്ങൾ ഉറപ്പാക്കണം

തേഞ്ഞിപ്പലം: കാലിക്കറ്റ് സർവകലാശാലക്ക് കീഴിലെ കോളജുകളിൽ കമ്യൂണിറ്റി ക്വാട്ടയിൽ ബിരുദ പ്രവേശനം ആഗ്രഹിക്കുന്നവർ ഇക്കാര്യം രജിസ്ട്രേഷൻ സമയത്ത് പ്രത്യേകം രേഖപ്പെടുത്തണം.
കമ്മ്യൂണിറ്റി ക്വാട്ടയില്‍ പ്രവേശനം ലഭിക്കേണ്ടവർ അവര്‍ തിരഞ്ഞെടുക്കുന്ന 20 കോളജ് ഓപ്ഷനുകളില്‍ ഉള്‍പ്പെടുന്ന എയ്ഡഡ് കോളജുകളിലെ അര്‍ഹമായ കമ്യൂണിറ്റി ക്വാട്ടയിലേക്കായിരിക്കും പരിഗണിക്കുക. ഈ 20 കോളജുകളിൽ തങ്ങൾ ഉൾപ്പെടുന്ന കമ്യൂണിറ്റി കോളജുകൾ കൂടിയുണ്ടെന്ന് വിദ്യാർത്ഥികൾ ഉറപ്പാക്കണം.
ഓരോ കമ്മ്യൂണിറ്റിക്കും അര്‍ഹമായ കോളജുകളുടെ പട്ടിക വെബ്‌സൈറ്റിലുണ്ട്. https://admission.uoc.ac.in