എസ്എസ്എൽസി, പ്ലസ് ടു പരീക്ഷകൾക്ക് മാറ്റമില്ല

തിരുവനന്തപുരം: സംസ്ഥാനത്തെ എസ്എസ്എൽസി, പ്ലസ്ടു പരീക്ഷകൾക്ക് മാറ്റമില്ലെന്ന് പൊതുവിദ്യാഭ്യാസ വകുപ്പ്. നിലവിൽ നടന്നുകൊണ്ടിരിക്കുന്ന പരീക്ഷകൾ പൂർത്തിയാക്കും. പരീക്ഷകൾ മാറ്റിവയ്ക്കണമെന്ന് വിദ്യാർത്ഥികൾ അടക്കമുള്ളവരുടെ ഭാഗത്തുനിന്ന് ആവശ്യം ഉയർന്നിട്ടില്ലെന്നും വകുപ്പ് അറിയിച്ചു. കോവിഡ് ചട്ടങ്ങൾ കർശനമായി പാലിച്ചാണ് പരീക്ഷകൾ പുരോഗമിക്കുന്നത്.

സിബിഎസ്ഇ പരീക്ഷകളും സർവകലാശാല പരീക്ഷകളും മാറ്റിയ സാഹചര്യത്തിൽ എസ്എസ്എൽസി, പ്ലസ് ടു പരീക്ഷകളും മാറ്റുമെന്ന എന്ന സൂചനകൾ വരുമ്പോഴാണ് വിദ്യാഭ്യാസ വകുപ്പിന്റെ പ്രതികരണം.