തിരുവനന്തപുരം: നീറ്റ് യുജി പരീക്ഷയ്ക്ക് അപേക്ഷിച്ച വിദ്യാർത്ഥികൾക്ക് അപേക്ഷാ ഫോമിലെ പിശകുകൾ തിരുത്താനുള്ള വിൻഡോ ഇന്ന് (മാർച്ച് 12, വ്യാഴം) ഉച്ചയ്ക്ക് 12 മണി മുതൽ ഔദ്യോഗിക വെബ്സൈറ്റിൽ ലഭ്യമാകും. അപേക്ഷ സമർപ്പിക്കാനുള്ള തീയതി മാർച്ച് 11ന് അവസാനിച്ച സാഹചര്യത്തിലാണ് തിരുത്തലുകൾക്കുള്ള വിൻഡോ ഇന്ന് മുതൽ തുറക്കുന്നത്.
പ്രധാന തീയതികൾ
- തിരുത്തൽ ആരംഭിക്കുന്നത്: 2026 മാർച്ച് 12 (ഉച്ചയ്ക്ക് 12:00 PM)
- അവസാന തീയതി: 2026 മാർച്ച് 14 (രാത്രി 11:50 PM)
തിരുത്താൻ കഴിയുന്ന വിവരങ്ങൾ
വിദ്യാർത്ഥികൾക്ക് താഴെ പറയുന്ന പ്രധാന വിവരങ്ങളിൽ മാറ്റങ്ങൾ വരുത്താൻ സാധിക്കും:
- വ്യക്തിഗത വിവരങ്ങൾ: മാതാപിതാക്കളുടെ പേര്, വിദ്യാഭ്യാസ യോഗ്യതകൾ.
- പരീക്ഷാ കേന്ദ്രം: മുൻഗണനാക്രമത്തിൽ നൽകിയിട്ടുള്ള പരീക്ഷാ നഗരങ്ങൾ (Exam City).
- പരീക്ഷാ മാധ്യമം: ചോദ്യപേപ്പറിന്റെ ഭാഷ (Medium of Examination).
- വിദ്യാഭ്യാസ രേഖകൾ: 10, 12 ക്ലാസുകളിലെ മാർക്ക്, ബോർഡ്, പാസ്സായ വർഷം തുടങ്ങിയവ.
- വിഭാഗം (Category): ജനറൽ/ഒ.ബി.സി/എസ്.സി/എസ്.ടി തുടങ്ങിയ വിഭാഗങ്ങളിൽ മാറ്റം വരുത്താം (ഇതിനായി അധിക ഫീസ് നൽകേണ്ടി വന്നേക്കാം).
ശ്രദ്ധിക്കുക: ഇവ തിരുത്താൻ കഴിയില്ല
രജിസ്റ്റർ ചെയ്ത മൊബൈൽ നമ്പർ, ഇമെയിൽ ഐഡി എന്നിവ യാതൊരു കാരണവശാലും മാറ്റാൻ സാധിക്കില്ല. കൂടാതെ, ആധാർ വെരിഫിക്കേഷൻ പൂർത്തിയാക്കിയവർക്ക് സ്വന്തം പേര്, ജനനതീയതി എന്നിവയിലും മാറ്റം വരുത്താൻ പരിമിതികളുണ്ട്.
അപ്ലോഡ് ചെയ്ത രേഖകൾ – ഫോട്ടോ, തള്ളവിരലടയാളം, വിലാസ തെളിവ്, പേര്, മൊബൈൽ നമ്പർ, ഇമെയിൽ വിലാസം, ജനനത്തീയതി, സ്ഥിര വിലാസം, ഇപ്പോഴത്തെ വിലാസം, അടിയന്തര കോൺടാക്റ്റ് വിശദാംശങ്ങൾ
തിരുത്തലുകൾ വരുത്തേണ്ട വിധം
- ഔദ്യോഗിക വെബ്സൈറ്റായ neet.nta.nic.in സന്ദർശിക്കുക.
- ’Candidate Login’ ലിങ്കിൽ ക്ലിക്ക് ചെയ്ത് അപേക്ഷാ നമ്പറും പാസ്വേഡും ഉപയോഗിച്ച് ലോഗിൻ ചെയ്യുക.
- ’Correction in Application Form’ എന്ന ഓപ്ഷൻ തിരഞ്ഞെടുത്ത് ആവശ്യമായ മാറ്റങ്ങൾ വരുത്തുക.
- തിരുത്തലുകൾക്ക് ശേഷം ലഭിക്കുന്ന പുതിയ കൺഫർമേഷൻ പേജ് (Confirmation Page) ഡൗൺലോഡ് ചെയ്ത് സൂക്ഷിക്കുക.
