കേന്ദ്രസർക്കാരിന്റെ ഒറ്റമകൾ മെറിറ്റ് സ്കോളർഷിപ്പ്: അപേക്ഷ 23 വരെ മാത്രം

 

തിരുവനന്തപുരം: കുടുംബത്തിലെ ഒറ്റപ്പെൺകുട്ടികൾക്ക് കേന്ദ്രസർക്കാർ നൽകുന്ന സ്കോളർഷിപ്പിന് ഇപ്പോൾ അപേക്ഷിക്കാം. ഒറ്റ മകൾ മാത്രമുള്ള ദമ്പതികൾക്ക് മകളുടെ വിദ്യാഭ്യാസത്തിന് സിബിഎസ്‌ഇ നൽകുന്ന സ്കോളർഷിപ്പാണിത്. സ്കോളർഷിപ്പ് അപേക്ഷ ഒക്ടോബർ 23 വരെ ഓൺലൈനായി നൽകാം. കുടുംബത്തിന്റെ വാർഷികവരുമാനം 8 ലക്ഷം രൂപയിൽ കവിയരുത്. 2025ൽ നടന്ന സിബിഎസ്‌ഇ 10–ാം ക്ലാസ് പരീക്ഷയിൽ 70% മാർക്കോടെ ജയിച്ച്, ഇപ്പോൾ സിബിഎസ്‌ഇ പതിനൊന്നാം ക്ലാസിൽ പഠിക്കുന്ന വിദ്യാർത്ഥിനികൾക്ക് അപേക്ഷിക്കാം. എല്ലാമാസവും 1000 രൂപ വീതം 2 വർഷത്തേക്ക് ലഭിക്കും. സ്കോളർഷിപ്പ് നേടിയവർ ഇടയ്ക്ക് വച്ച് പഠനം നിർത്താതെ പന്ത്രണ്ടാം ക്ലാസ് പൂർത്തിയാക്കണം. ഒറ്റമകൾ എന്നാൽ ഏക മകൾ കൂടിയാകണം. അതേസമയം, ഒരു പ്രസവത്തിലെ കുഞ്ഞുങ്ങൾ ഒറ്റമകളിൽപ്പെടും. കൂടുതൽ വിവരങ്ങൾക്കും ഓൺലൈൻ അപേക്ഷ സമർപ്പണത്തിനും http://cbse.gov.in, http://cbse.gov.in സന്ദർശിക്കുക.  ഫോൺ: 011-24050336 Email: scholarship.cbse@nic.in