സ്കൂ​ൾ അടയ്ക്കും മുൻപ് അടുത്ത വർഷത്തെ പാഠപുസ്ത​ക​ങ്ങ​ൾ എത്തി: പുതിയ അധ്യയന വർഷത്തിൽ പുതുക്കിയ പാഠപുസ്തകങ്ങൾ

 

തിരുവനന്തപുരം: വാർഷിക പരീക്ഷകൾ കഴിഞ്ഞ് സ്കൂൾ അടയ്ക്കും മുൻപേ അടുത്ത അധ്യയന വർഷത്തേക്കുള്ള പാഠപുസ്തകങ്ങൾ വിതരണത്തിന് തയ്യാറായി. സംസ്ഥാനത്തെ സ​ർ​ക്കാ​ർ, എ​യ്ഡ​ഡ്, അ​ൺ എ​യ്ഡ​ഡ് സ്കൂ​ളു​ക​ളിൽ 2025-26 അ​ധ്യ​യ​ന വ​ർ​ഷ​ത്തിൽ ആദ്യഘട്ടത്തിൽ വിതരണം ചെയ്യാനുള്ള പു​സ്ത​ക​ങ്ങ​ളാ​ണ് ജില്ലാ ഡി​പ്പോ​കളിൽ ​എത്തിച്ചി​ട്ടു​ള്ള​ത്. ഡി​പ്പോ​കളിൽ നിന്ന് സൊ​സൈ​റ്റി​ക​ളി​ൽ എ​ത്തിക്കു​ന്ന ന​ട​പ​ടി​ക​ളാ​ണ് ഇ​പ്പോ​ൾ പു​രോ​ഗ​മിക്കുന്നത്. വരുന്ന അധ്യയന വർഷത്തിൽ ര​ണ്ട്, നാ​ല്, ആ​റ്, എ​ട്ട്, 10 ക്ലാ​സു​ക​ളി​ൽ പുതുക്കിയ പു​സ്ത​ക​ങ്ങ​ളാണ് തയാറാക്കിയിട്ടുള്ളത്. ഇക്ക​ഴി​ഞ്ഞ വർഷം ഒ​ന്ന്, മൂ​ന്ന്, അ​ഞ്ച്, ഏ​ഴ്, ഒ​മ്പ​ത് ക്ലാ​സു​ക​ളി​ലെ പു​സ്ത​ക​ങ്ങ​ളാ​ണ് മാ​റി​യ​ത്. ര​ണ്ടാം​ഘ​ട്ട വി​ത​ര​ണം ഓ​ണ​പ്പ​രീ​ക്ഷ​യോ​ട​ടു​ത്ത് പൂ​ർ​ത്തി​യാ​കും. കു​ടും​ബ​ശ്രീ പ്ര​വ​ർ​ത്ത​ക​ർ മു​ഖേ​ന​യാ​ണ് ജി​ല്ല ഡി​പ്പോ​യി​ൽ​നി​ന്ന് സൊ​സൈ​റ്റി​ക​ളി​ലേ​ക്ക് പു​സ്ത​കം വി​ത​ര​ണ​ത്തി​ന് എ​ത്തു​ന്ന​ത്. മെയ് മാസത്തോടെ സ്കൂളുകളിൽ നിന്ന് പുസ്തകങ്ങൾ വിതരണം ചെയ്യും