തിരുവനന്തപുരം: കൊച്ചി ശാസ്ത്ര സാങ്കേതിക സർവകലാശാല (CUSAT)യുടെ സെന്റ്റർ ഫോർ ഡവലപ്മെന്റ് ഓഫ് ഇ-കണ്ടെന്റ് (സിഡെക്) നേതൃത്വത്തിൽ ആരംഭിക്കുന്ന പുതിയ ഹ്രസ്വകാല ഓൺലൈൻ കോഴ്സുകളിലേക്ക് (മൂക്) ഇപ്പോൾ അപേക്ഷിക്കാം.
മറൈൻ, കെമിസ്ട്രി, മാനേജ്മെന്റ്, നിയമം തുടങ്ങിയ 8 വിഷയങ്ങളിലാണ് കോഴ്സുകൾ. വിദ്യാർത്ഥികൾക്ക് https://cdec.cusat.ac.in/ വഴി റജിസ്റ്റർ ചെയ്യാം. രണ്ടാഴ്ചയിൽ ഒരിക്കൽ അധ്യാപകരോടൊപ്പം വിദ്യാർഥികൾക്ക് തത്സമയ സംവാദ സെഷനുകൾ ഉണ്ടാകും. കോഴ്സുകൾ പൂർത്തിയാക്കുന്നവർക്ക് 2 മുതൽ 4 അക്കാദമിക് ബാങ്ക് ക്രെഡിറ്റുകൾ
(എബിസി) ലഭിക്കും. യൂണിവേഴ്സിറ്റി നിശ്ചയിക്കുന്ന ഫീസ് നൽകിയാൽ കുസാറ്റ് സർട്ടിഫിക്കറ്റും ലഭിക്കുന്നതാണ്. https://cdec.cusat.ac.in/ ഫോൺ: 0484-2862094.
