തിരുവനന്തപുരം:സിബിഎസ്ഇ 10,12 ക്ലാസ് ബോർഡ് പരീക്ഷകൾ ഫെബ്രുവരി 15മുതൽ ആരംഭിക്കും. 12-ാം ക്ലാസ് വിദ്യാർത്ഥികളുടെ ഇൻ്റേണൽ മാർക്ക് അപ്‌ലോഡ് ചെയ്യുന്നതിനായി സ്‌കൂളുകൾക്കായി സിബിഎസ്ഇ പോർട്ടൽ തുറന്നു. ഫെബ്രുവരി 14നകം കൃത്യമായ രീതിയിൽ മാർക്ക് സമർപ്പിക്കണം. സമയപരിധിക്ക് ശേഷമുള്ള തിരുത്തലുകളൊന്നും അനുവദിക്കില്ല. സ്കൂളുകൾ സമയക്രമം പാലിക്കണം. ഫെബ്രുവരി 14ന് പോർട്ടൽ അടച്ചതിനുശേഷം തിരുത്തലുകൾ അനുവദിക്കില്ല.
10, 12 ക്ലാസുകളിലെ ബോർഡ് പരീക്ഷകൾ 2025 ഫെബ്രുവരി 15നാണ് ആരംഭിക്കുന്നത്.
2025 ജനുവരി 15 മുതൽ 2025 ഫെബ്രുവരി 14 വരെ തുറന്നിരിക്കുന്ന ഔദ്യോഗിക പോർട്ടലിൽ നിന്ന് സ്‌കൂളുകൾക്ക് 12-ാം ക്ലാസ് ഇൻ്റേണൽ മാർക്കുകൾ അപ്‌ലോഡ് ചെയ്യാൻ കഴിയും. എല്ലാ സ്കൂളുകളും അവരുടെ പ്രാക്ടിക്കൽ, പ്രോജക്ടുകൾ, ഇൻ്റേണൽ അസസ്‌മെൻ്റുകൾ എന്നിവ നടത്തി 2025 ഫെബ്രുവരി 14-നകം അപ്‌ലോഡ് ചെയ്യണം. പോർട്ടൽ അടച്ചതിന് ശേഷം തിരുത്തലുകളൊന്നും അനുവദിക്കില്ലെന്നതിനാൽ, നൽകിയ ഡാറ്റയുടെ കൃത്യത സ്കൂളുകൾ ഉറപ്പാക്കണമെന്ന് സിബിഎസ്ഇ അറിയിച്ചു. ശരിയായ ഗ്രേഡുകൾ പരിശോധിച്ച് സമർപ്പിക്കുക എന്നത് സ്കൂളുകളുടെ ഉത്തരവാദിത്തമാണ്.
പരീക്ഷ ഷെഡ്യൂൾ
🌐പത്താം ക്ലാസ്, 12 ക്ലാസുകൾക്കുള്ള CBSE ബോർഡ് പരീക്ഷകൾ ഫെബ്രുവരി 15-ന് ആരംഭിക്കും. പത്താം ക്ലാസിൻ്റെ ആദ്യ പേപ്പർ ഇംഗ്ലീഷ് ആണ്, കൂടാതെ 12-ാം ക്ലാസ് പരീക്ഷകൾ ഫിസിക്കൽ എജ്യുക്കേഷനോട് കൂടി 2025 ഫെബ്രുവരി 17-ന് ആരംഭിക്കും.
