സ്കോൾ കേരള പ്ലസ് വൺ പ്രവേശന തീയതി നീട്ടി

 

തിരുവനന്തപുരം:സ്കോൾ കേരള മുഖേനയുള്ള ഒന്നാം വർഷ ഹയർസെക്കൻഡറി കോഴ്സുകളുടെ പ്രവേശന തീയതികൾ നീട്ടി. പ്രവേശനത്തിനായി പിഴയില്ലാതെ സെപ്റ്റംബർ 18 വരെയും 60 രൂപ പിഴയോടെ സെപ്റ്റംബർ 20 വരെയും ഫീസടച്ച് രജിസ്റ്റർ ചെയ്യാം. ഓൺലൈൻ രജിസ്ട്രേഷൻ മാർഗനിർദേശങ്ങൾക്ക് http://scolekerala.org സന്ദർശിക്കുക. ഓൺലൈനായി ഇതികനം രജിസ്റ്റർ ചെയ്ത വിദ്യാർഥികൾ അപേക്ഷയുടെ പകർപ്പും അനുബന്ധ രേഖകളും രണ്ട് ദിവസത്തിനകം ജില്ലാ ഓഫീസുകളിൽ നേരിട്ടോ തപാൽ മാർഗമോ എത്തിക്കണം. അന്വേഷണങ്ങൾക്ക് സംസ്ഥാന, ജില്ലാ ഓഫീസുകളിലെ ഫോൺ നമ്പരുകളിൽ ബന്ധപ്പെടാം.