തിരുവനന്തപുരം:രാജ്യത്തെ സ്കൂളുകളിലെ കൗൺസിലർമാർ അടക്കമുള്ളവരുടെ കഴിവുകൾ വർധിപ്പിക്കാൻ ലക്ഷ്യമിട്ട് സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (CBSE) സംഘടിപ്പിക്കുന്ന വെർച്വൽ കോൺക്ലേവ് നാളെ (സെപ്റ്റംബർ 11ന്) നടക്കും. നാളെ വൈകിട്ട് 3മുതൽ 4 വരെയാണ് ഓൺലൈൻ കോൺക്ലേവ് നടക്കുക. സിബിഎസ്ഇ-അഫിലിയേറ്റഡ് സ്കൂളുകളുടെ പ്രിൻസിപ്പൽമാരും മേധാവികളും അവരുടെ കൗൺസിലർമാർ, വെൽനസ് ടീച്ചർമാർ, മറ്റ് സ്റ്റാഫ് അംഗങ്ങൾ പങ്കാളികളാകും. പങ്കെടുക്കാനുള്ള ലിങ്ക് https://cbse.webex.com/cbse/j.php?MTID=m0f18a7137dd51e69991ac16a46056f98 ആദ്യം വരുന്നവർക്ക് ആദ്യം എന്ന അടിസ്ഥാനത്തിൽ കോൺക്ലേവിൽ പങ്കെടുക്കുന്ന 1,000 പേർക്ക് മാത്രമായി പരിമിതപ്പെടുത്തിയിട്ടുണ്ട്. ദേശീയ വിദ്യാഭ്യാസ നയത്തിന്റെ ഭാഗമായാണ് പരിപാടി സംഘടിപ്പിക്കുന്നത്. വിദ്യാർത്ഥികളുടെ മാനസികവും വൈകാരികവുമായ കാര്യങ്ങളും കരിയർ മാർഗ്ഗനിർദ്ദേശ ആവശ്യങ്ങളും മനസിലാക്കി ഫലപ്രദമായി അവരെ പ്രോത്സാഹിപ്പിക്കാൻ ആവശ്യമായ കഴിവുകൾ ഉപയോഗിച്ച് കൗൺസിലർമാരെ സജ്ജരാക്കുകയാണ് ലക്ഷ്യം. വിദ്യാർത്ഥികളുടെ മൊത്തത്തിലുള്ള മുന്നേറ്റത്തിന് അനുകൂലമായ സ്കൂൾ അന്തരീക്ഷം വളർത്തുക എന്നതും കോൺക്ലേവ് ചർച്ച ചെയ്യും.
സിബിഎസ്ഇ അറിയിപ്പ് പരിശോധിക്കാനുള്ള ലിങ്ക്
കൗൺസിലർമാർക്ക് വഴികാട്ടുന്ന ഒരു വേദി എന്നതിനൊപ്പം, വിദ്യാഭ്യാസത്തിൽ മാനസികാരോഗ്യത്തിൻ്റെ നിർണായക പങ്കിനെ കുറിച്ചും കോൺക്ലേവ് അടിവരയിടും.
