ഐസിടി അക്കാദി ഓഫ് കേരളയിൽ ഓൺലൈൻ ഓഫ്‌ലൈൻ കോഴ്സുകൾ: അപേക്ഷ സെപ്റ്റംബർ 10വരെ

 

തിരുവനന്തപുരം:ഐസിടി അക്കാദി ഓഫ് കേരളയിലെ വിവിധ കോഴ്സുകളിലെ പ്രവേശനത്തിന് ഇപ്പോൾ അപേക്ഷിക്കാം. സെർട്ടിഫൈഡ് സ്പെഷ്യലിസ്റ്റ് ഇൻ ആർട്ടിഫിഷ്യൽ ഇന്റലിജൻസ് ആൻഡ് മെഷീൻ ലേണിങ്, ഫുൾസ്റ്റാക്ക് ഡെവലപ്മെന്റ് (MERN), ഡാറ്റ സയൻസ് ആൻഡ് അനലറ്റിക്സ്, സോഫ്റ്റ് വേയർ ടെസ്റ്റിങ്, സൈബർ സെക്യൂരിറ്റി അനലിസ്റ്റ് എന്നീ കോഴ്സുകളിലേക്കാണ് പ്രവേശനം. എല്ലാ കോഴ്സുകളും ഓൺലൈനായി പഠിക്കാനുള്ള സൗകര്യം ഉണ്ട്. എഞ്ചിനീയറിങ്, സയൻസ് വിഷയങ്ങളിൽ 3വർഷത്തെ ഡിപ്ലോമ ഉള്ളവർക്കും ബിരുദധാരികൾക്കും അപേക്ഷിക്കാം. അവസാന വർഷ ബിരുദ വിദ്യാർഥികക്കും അവസരമുണ്ട്. ഓൺലൈൻ കോഴ്‌സുകൾക്ക് 6 മാസവും, ഓഫ്‌ലൈൻ കോഴ്സുകൾക്ക് 3 മാസവുമാണ് കാലാവധി. പഠനം വിജയകരമായി പൂർത്തിയാക്കുന്നവർക്ക് മുൻനിര ഐടി കമ്പനികളിൽ 125 മണിക്കൂർ ദൈർഘ്യമുള്ള ഇന്റേൺഷിപ്പും ലഭിക്കും. അപേക്ഷ നൽകാനുള്ള അവസാതീയതി സെപ്റ്റംബർ 10 ആണ്. കൂടുതൽ വിവരങ്ങൾക്ക് http://ictkerala.org/registration സന്ദർശിക്കുക. ഫോൺ: 0471 2700811, 7594051437.