തിരുവനന്തപുരം:രാജ്യത്തെ ജവഹർ നവോദയ വിദ്യാലയങ്ങളിൽ 2025-26 വർഷത്തെ ആറാംക്ലാസ് പ്രവേശനത്തിനായുള്ള പരീക്ഷ ജനുവരി 18ന് നടക്കും. കേരളം ഉൾപ്പെടെയുള്ള സംസ്ഥാനങ്ങളിൽ രാവിലെ 11.30നാണ് പരീക്ഷ നടക്കുക. മലയാളം, ഇംഗ്ലീഷ്,ഹിന്ദി, തമിഴ്, കന്നട ഭാഷകളിൽ പരീക്ഷ എഴുതാം. 2മണിക്കൂർ ദൈർഘ്യമുള്ള പരീക്ഷയിൽ 80 ചോദ്യങ്ങളുണ്ടാവും. പരമാവധി 100 മാർക്കിനാണിത്. മെന്റ്റൽ എബിലിറ്റി, അരിതമെറ്റിക്, ഭാഷ എന്നിവയിലാണ് ചോദ്യങ്ങൾ.
കേരളത്തിൽ എല്ലാ ജില്ലകളിലും ഓരോ ജവഹർ നവോദയ വിദ്യാലയമുണ്ട്. അതത് ജില്ലയിലുള്ളവർക്കാണ് പ്രവേശനം നൽകുക. പ്രവേശന സമയത്ത് റെസിഡൻഷ്യൽ സർട്ടിഫിക്കറ്റ് ഹാജരാക്കണം. 75 ശതമാനം സീറ്റുകളിലും ഗ്രാമീണ വിദ്യാർഥികൾക്കാണ് പ്രവേശനം നൽകുക. പ്രവേശനം ലഭിക്കുന്ന കുട്ടികൾ അതത് ഹോസ്റ്റലിൽ താമസിച്ച് പഠിക്കണം. ഭക്ഷണം, യൂനിഫോം അടക്കമുള്ള ചെലവുകൾ കേന്ദ്ര സർക്കാർ നൽകും. മിടുക്കരായ വിദ്യാർത്ഥികൾക്ക് ഗുണമേന്മയുള്ള സൗജന്യ വിദ്യാഭ്യാസം നൽകുകയാണ് നവോദയ സ്കൂളുകളുടെ ലക്ഷ്യം. ആൺകുട്ടികൾക്കും പെൺകുട്ടികൾക്കും പ്രത്യേകം താമസസൗകര്യം ഉണ്ട്. പട്ടികജാതി 15 ശതമാനം, പട്ടികവർഗം 7.5 ശതമാനം, ഒ.ബി.സി 27 ശതമാനം, ഭിന്നശേഷിക്കാർക്കും മറ്റും ചട്ടപ്രകാരവും സംവരണമുണ്ട്. പ്രവേശന വിജ്ഞാപനവും പ്രോസ്പെക്ടസും http://navodaya.gov.in ൽ ലഭിക്കും. അപേക്ഷ സമർപ്പണത്തിനുള്ള നിർദേശങ്ങളും സെലക്ഷൻ നടപടികളും പ്രോസ്പെക്ടസിലുണ്ട്. നവോദയ സ്കൂൾ സ്ഥിതിചെയ്യുന്ന ജില്ലയിൽ സ്ഥിരതാമസമുള്ളതും അംഗീകൃത സ്കൂളിൽ അഞ്ചാംക്ലാസിൽ പഠിക്കുന്നവർക്കും അപേക്ഷിക്കാം. 2013 മേയ് ഒന്നിന് മുൻപോ 2015 ജൂലൈ 31ന് ശേഷമോ ജനിച്ചവർക്ക് പ്രവേശനം ലഭിക്കില്ല. നേരത്തെ ടെസ്റ്റിൽ പങ്കെടുത്തവരെയും പരിഗണിക്കില്ല.
നിപ്പ രോഗബാധ: മലപ്പുറത്ത് മാസ്ക് നിർബന്ധം, വിദ്യാഭ്യാസ സ്ഥാപനങ്ങൾക്കും വ്യാപാരങ്ങൾക്കും നിയന്ത്രണം
മലപ്പുറം: നിപ്പ രോഗബാധ സ്ഥിരീകരിച്ച മലപ്പുറം ജില്ലയിൽ പൊതുയിടങ്ങളിൽ മാസ്ക്...
