തിരുവനന്തപുരം:രാജ്യത്തെ വിവിധ ബാങ്കുകളിൽ ബിരുദധാരികൾക്ക് അപ്രൻ്റിസ് നിയമനത്തിന് അവസരം. യോഗ്യതയ്ക്കൊപ്പം പ്രാദേശിക ഭാഷയിൽ പ്രാവീണ്യം അനിവാര്യം. തിരഞ്ഞെടുക്കപ്പെടുന്നവർക്ക് ഒരുവർഷം പരിശീലന കാലയളവാണ്. അപേക്ഷകരുടെ പ്രായം 20നും 28നും ഇടയിൽ. പട്ടികവിഭാഗക്കാർക്ക് 5വർഷം, ഒബിസിക്കാർക്ക് 3വർഷം, ഭിന്നശേഷിക്കാർക്ക് 10വർഷം എന്നിങ്ങനെ ഇളവുണ്ട്. വിധവ കൾക്കും വിവാഹമോചിത സ്ത്രീ കൾക്കും പ്രായപരിധിയിൽ ഇളവ് ലഭിക്കും.
പഞ്ചാബ് നാഷണൽ ബാങ്കിൽ 2700 ഒഴിവ് ഉണ്ട്. ഈമാസം 14 വരെ അപേക്ഷിക്കാം. ഇതിൽ കേരളത്തിൽ 22 ഒഴിവുകൾ ഉണ്ട്. തിരുവനന്തപുരം (10), എറണാകുളം (7), കോഴിക്കോട് (5). യോഗ്യതയും പ്രായവും 2024 ജൂൺ 30 അടിസ്ഥാനമാക്കി കണക്കാക്കും. റ്റൈപ്പൻഡ്: റൂറൽ/സെമി അർബൻ-10,000 രൂപ, അർബൻ- 12,000 രൂപ, മെട്രോ-15,000 രൂപ.
തിരഞ്ഞെടുപ്പ്: ഈമാസം 28ന് ഓൺലൈൻ പരീക്ഷ, പ്രാദേശിക ഭാഷാ പരീക്ഷ എന്നിവയുടെ അടിസ്ഥാനത്തിൽ. 10 / 12 വരെ പ്രാദേശികഭാഷ പഠിച്ചതിൻ്റെ മാർക്ക് ഷീറ്റോ സർട്ടിഫിക്കറ്റോ ഹാജരാക്കുന്നവർക്ക് ഭാഷാപരീക്ഷയില്ല.
അപേക്ഷാഫീസ്: 800 രൂപ (പട്ടി കവിഭാഗം, വനിതകൾക്ക് 600 രൂപ, ഭിന്നശേഷിക്കാർക്കു 400 രൂപ) വിശദവിവരങ്ങൾക്ക് http://pnbindia.in സന്ദർശിക്കുക.
യൂക്കോ ബാങ്കിൽ 544 ഒഴിവുകൾ ഉണ്ട്. ഇതിൽ കേരളത്തിൽ 9 ഒഴിവുണ്ട്. ഈമാസം 16 വരെ അപേക്ഷിക്കാം.
സ്റ്റൈപ്പൻഡ്: 15,000 രൂപ വിശദവിവരങ്ങൾക്ക് http://ucobank.com സന്ദർശിക്കുക.
