തിരുവനന്തപുരം:എസ്എസ്എല്സി പരീക്ഷ ഇന്നും ഹയർ സെക്കന്ററി പരീക്ഷ നാളെയും അവസാനിക്കുന്ന സാഹചര്യത്തിൽ വിദ്യാര്ത്ഥികളുടെ ആഹ്ലാദ പ്രകടനങ്ങള് അതിരുവിട്ടു പോകാതിരിക്കാന് ജാഗ്രതാ നടപടികളുമായി വിദ്യാഭ്യാസ വകുപ്പ്. മുന് വര്ഷങ്ങളില് പല സ്കൂളുകളിലും ഫര്ണിച്ചര്, ഫാന് തുടങ്ങിയവ നശിപ്പിക്കുകയും വാഹനങ്ങള്ക്ക് കേടുപാടുകള് ഉണ്ടാക്കുകയും ചെയ്തിരുന്നു. അത്തരക്കാര്ക്കെതിരെ കര്ശന നടപടി ഉണ്ടാവുമെന്ന് വിദ്യാഭ്യാസ വകുപ്പ് അറിയിച്ചു. പൊലീസ് നിരീക്ഷണവും സ്കൂള് പരിസരത്ത് ഉണ്ടാകും. എല്ലാ സ്കൂളുകളിലെയും പിടിഎ എക്സിക്യൂട്ടീവ് കമ്മിറ്റി അംഗങ്ങള് പരീക്ഷ അവസാനിക്കുന്ന സമയത്ത് സ്കൂളില് എത്താന് നിര്ദ്ദേശിച്ചിട്ടുണ്ട്. അമിത ആഹ്ലാദ പ്രകടനങ്ങള് നടത്തി സ്കൂള് സാമഗ്രികള് നശിപ്പിച്ചാല്, ചെലവ് മുഴുവന് രക്ഷിതാവില് നിന്നും ഈടാക്കി മാത്രമേ വിടുതല് സര്ട്ടിഫിക്കറ്റ് നല്കൂവെന്നും ജില്ലാ വിദ്യാഭ്യാസ ഓഫീസര്മാർ മുന്നറിയിപ്പ് നൽകിയിട്ടുണ്ട്.
വിദ്യാർത്ഥികളുടെയും അധ്യാപകരുടെയും ശ്രദ്ധയ്ക്ക്: ഇന്നത്തെ പ്രധാന വിദ്യാഭ്യാസ വാർത്തകൾ
തിരുവനന്തപുരം: 2026 മാർച്ച് 16 തിങ്കളാഴ്ചയായ ഇന്നത്തെ പ്രധാന വിദ്യാഭ്യാസ...
