തിരുവനന്തപുരം:കേരള പബ്ലിക് സർവീസ് കമ്മീഷൻ പരീക്ഷയിൽ ആൾമാറാട്ട ശ്രമം. ഇന്ന് രാവിലെ നടന്ന യൂണിവേഴ്സിറ്റി എൽജിഎസ് പരീക്ഷയിലാണ് ആൾമാറാട്ട ശ്രമം. തിരുവനന്തപുരം പൂജപ്പുര ചിന്നമ്മ മെമ്മോറിയൽ ഗേൾസ് സ്കൂളിൽ പരീക്ഷ തുടങ്ങുന്നതിനു മുൻപ് ഹാൾ ടിക്കറ്റ് പരിശോധന നടക്കുന്നതിനിടെ പരീക്ഷ എഴുതാൻ എത്തിയ ആൾ ഇറങ്ങിയോടുകയായിരുന്നു. പരീക്ഷാഹാളിൽ ഉദ്യോഗാർഥിയുടെ തിരിച്ചറിയൽ കാർഡ് ഒത്തുനോക്കിയുള്ള വെരിഫിക്കേഷനിടെ ഇൻവിജിലേറ്റർക്ക് സംശയം തോന്നി. പരിശോധനയിൽ രേഖകളിൽ വ്യത്യാസം കണ്ടതോടെ പരീക്ഷ എഴുതാനെത്തിയയാൾ ഹാളിൽ നിന്ന് ഇറങ്ങിയോടുകയായിരുന്നു. പിഎസ്സി അടക്കമുള്ള മത്സര പരീക്ഷകളിൽ ക്രമക്കേട് നടത്തുന്നവർക്കെതിരെയുള്ള ബില്ല് ഇന്നലെയാണ് ലോക്സഭ പാസാക്കിയത്. കടുത്ത ശിക്ഷയും പിഴയും ചുമത്തുന്ന നിയമം നിലവിൽ വന്നതിന് പിന്നാലെയാണ് ആൾമാറാട്ട ശ്രമം നടന്നത്.
വേനലവധിക്കാലത്തെ സ്പെഷ്യൽ ക്ലാസുകൾ അനുവദിക്കില്ല; നിയമലംഘനം നടത്തുന്നവർക്കെതിരെ കർശന നടപടി
തിരുവനന്തപുരം:സംസ്ഥാനത്തെ വിദ്യാലയങ്ങളിൽ വേനലവധിക്കാലത്ത് സ്പെഷ്യൽ ക്ലാസുകൾ സംഘടിപ്പിക്കുന്നത്...









