തിരുവനന്തപുരം:നിയമബിരുദധാരികൾക്ക് ഇന്ത്യൻ ആർമിയിൽ ഷോർട് സർവീസ് കമ്മിഷൻഡ് ഓഫീസറാവാൻ അവസരം. 2024 ഒക്ടോബറിൽ ആരംഭിക്കുന്ന 33-ാമത് ഷോർട് സർവീസ് കമ്മിഷൻഡ് കോഴ്സ് വഴിയാണ് അവസരം. കോഴ്സ്പൂ ർത്തിയാക്കിയാൽ ജഡ്ജ്, അഡ്വക്കറ്റ് ജനറൽ ഡിപ്പാർട്മെന്റിൽ ലഫ്റ്റനന്റ് റാങ്കിലാണ് നിയമനം ലഭിക്കുക. 55ശതമാനം മാർക്കോടെ എൽഎൽബി ബിരുദം (3 വർഷം അല്ലെങ്കിൽ 5 വർഷം) നേടിയവർക്ക് അപേക്ഷിക്കാം. അപേക്ഷകർ ബാർ കൗൺസിൽ ഓഫ് ഇന്ത്യ, സ്റ്റേറ്റ് റജിസ്ട്രേഷനു യോഗ്യത നേടിയവരായിരിക്കണം. അവിവാഹിതരായ പുരുഷന്മാർക്കും സ്ത്രീകൾക്കും അപേക്ഷിക്കാം. ആകെ 8 ഒഴിവുകളാണ് ഉള്ളത്. ഇതിൽ സ്ത്രീകൾക്ക് 4ഒഴിവുകൾ ഉണ്ട്. 21വയസ് മുതൽ 27വയസ് വരെയാണ് പ്രായപരിധി. അപേക്ഷകളുടെ അടിസ്ഥാനത്തിൽ ഷോർട് ലിസ്റ്റ് ചെയ്ത് അഭിമുഖം നടക്കും. 2 ഘട്ടങ്ങളായാണു തിരഞ്ഞെടുപ്പ് നടക്കുക. തിരഞ്ഞെടുക്കപ്പെടുന്നവർക്ക് 49 ആഴ്ചയാണ് പരിശീലനം. കൂടുതൽ വിവരങ്ങൾക്ക് http://joinindianarmy.nic.in സന്ദർശിക്കുക.
![ജിസിസിയിലും മലേഷ്യയിലും ലീഗൽ കൺസൾട്ടന്റ്: നോർക്കവഴി അപേക്ഷിക്കാം](https://schoolvartha.com/wp-content/uploads/2023/11/images-2023-11-08T100100.760.jpeg)
ജിസിസിയിലും മലേഷ്യയിലും ലീഗൽ കൺസൾട്ടന്റ്: നോർക്കവഴി അപേക്ഷിക്കാം
തിരുവനന്തപുരം:സംസ്ഥാന സർക്കാർ സ്ഥാപനമായ നോർക്ക റൂട്ട്സിന്റെ പ്രവാസി നിയമസഹായ...