ഇനി പ്രീ പ്രൈമറി കുട്ടികൾക്കും കായികോത്സവം

 

തിരുവനന്തപുരം:പൊതുവിദ്യാലയങ്ങൾ മികവിൻ്റെ കേന്ദ്രങ്ങളായി മാറുന്നതിൻ്റെ ഭാഗമായി പ്രീ-പ്രൈമറി കുട്ടികൾക്കുവേണ്ടി കായികോത്സവം. കായികോത്സവത്തിൻ്റെ സംസ്ഥാനതല ഉദ്ഘാടനം തിരുവനന്തപുരം മുടവൻമുഗൾ ഗവ. എൽ.പി സ്‌കൂളിൽ മന്ത്രി വി.ശിവൻകുട്ടി നിർവ്വഹിച്ചു. ആരോഗ്യവും കായികക്ഷമതയുമുള്ള ഒരു സമൂഹത്തെ വാർത്തെടുക്കുകയാണ് സംസ്ഥാന സർക്കാരിൻ്റെ പ്രഥമലക്ഷ്യ മെന്നും ഈ കായികോത്സവം സംസ്ഥാനത്തെ മുഴുവൻ പ്രീ-പ്രപൈമറി വിദ്യാലയങ്ങളിലും സംഘടിപ്പിക്കുമെന്നും മന്ത്രി പറഞ്ഞു. സമഗ്ര ശിക്ഷാ കേരളം- സ്റ്റാർസ് പദ്ധതിയുടെ ഭാഗമായി സംസ്ഥാനത്തെ 9424 പ്രീപ്രൈമറി, പ്രൈമറി (സർക്കാർ/ എയ്‌ഡഡ്) വിദ്യാലയങ്ങളിൽ കായികോപകരണങ്ങൾ അടങ്ങുന്ന കിറ്റ് ലഭ്യമാക്കിയിട്ടുണ്ട്. പ്രസ്തുത ഉപകരണങ്ങൾ ഉപയോഗിച്ച് കുട്ടികൾക്ക് ശാസ്ത്രീയമായ പരിശീലനം നൽകിയിട്ടുണ്ട്. ചടങ്ങിൽ വാർഡ് കൗൺസിലർ വി ഗോപകുമാർ, സമഗ്ര ശിക്ഷാ കേരളം സംസ്ഥാന പ്രോജക്‌ട് ഡയറക്‌ടർ ഡോ. എ.ആർ സുപ്രിയ, സംസ്ഥാന പ്രോഗ്രാം ഓഫീസർ ശ്രീമതി. അനുലേഖ ഇ, എസ്.സി.ഇ.ആർ.ടി റിസർച്ച് ഓഫീസർ ഡോ. അജീഷ് പി ടി, ജില്ലാ പ്രോഗ്രാം ഓഫീസർ ശ്രീമതി. ബിന്ദു ജോൺസ്, തിരുവനന്തപുരം സൗത്ത് എ.ഇ.ഒ ശ്രീ. രാജേഷ് ബാബു വി, യു.ആർ.സി സൗത്ത് ബി.പി.സി ഡോ. കെ എൽ ബിച്ചു, സ്‌കൂൾ ഹെഡ്‌മിസ്ട്രസ് ശ്രീമതി. ഹലീമ എം. പി.ടി.എ പ്രസിഡൻ്റ് ശ്രീമതി. കവിത ടി ജെ എന്നിവർ സംസാരിച്ചു. സമഗ്ര ശിക്ഷാ കേരളം തിരുവനന്തപുരം ജില്ലാ പ്രോജക്‌ട് കോ-ഓർഡിനേറ്റർ ഡോ. ബി. നജീബ് നന്ദി അറിയിച്ചു.