പ്ലസ് വൺ വിദ്യാർത്ഥികൾക്ക് ആശങ്കവേണ്ട: രണ്ടാം സപ്ലിമെന്ററി അലോട്മെന്റും ഉടൻ ഉണ്ടാകും

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP https://chat.whatsapp.com/JVvQX1DVh094QVjPyiOK9N

തിരുവനന്തപുരം: പ്ലസ് വൺ പ്രവേശനത്തിനുള്ള ആദ്യ സപ്ലിമെന്ററി അലോട്മെന്റ് ഇന്ന് അർദ്ധരാത്രിയിലോ നാളെ പുലർച്ചെയോ പ്രസിദ്ധീകരിച്ചു കഴിഞ്ഞാൽ 20ന് ശേഷം മറ്റൊരു സപ്ലിമെന്ററി അലോട്മെന്റ് കൂടി ഉണ്ടാകും. നിലവിൽ ആകെ 67,832 പേരാണ് സപ്ലിമെന്ററി അലോട്മെന്റിനായി അപേക്ഷിച്ചിട്ടുള്ളത്. മുഖ്യഘട്ടത്തിൽ അപേക്ഷിച്ചവർക്ക് പുറമേ പുതിയതായി 4637 അപേക്ഷകർ കൂടി ഇത്തവണയുണ്ട്.

ഇതിൽ മുഴുവൻ പേർക്കും ഒന്നാം സപ്ലിമെന്ററി അലോട്മെന്റിൽ പ്രവേശനം ലഭിക്കില്ല. ഒന്നാം സപ്ലിമെന്ററി അലോട്ട്മെന്റിൽ പ്രവേശനം ലഭിക്കാത്ത വിദ്യാർത്ഥികൾ ആശങ്കപ്പെടേണ്ടതില്ല. ഇവർക്കായി മറ്റൊരു സപ്ലിമെന്ററി അലോട്ട്മെന്റ് കൂടി ഉടൻ വരും. ഇതിന് പുറമേ താലൂക്ക് തലത്തിലുള്ള പ്രവേശന നടപടികളും ഉണ്ടാകും.

ജൂലൈ 13ന് രാവിലെ 10 മുതലാണ് ഒന്നാം സപ്ലിമെന്ററി അലോട്ട്മെന്റ് പ്രകാരമുള്ള പ്രവേശനം ആരംഭിക്കുക. പ്രവേശനം നേടിയവർക്കുള്ള സ്കൂൾ, കോഴ്സ് മാറ്റത്തിനുള്ള ട്രാൻസ്ഫർ അലോട്മെന്റ് 19നാണ് പ്രസിദ്ധീകരിക്കുന്നത്. നാളത്തെ സപ്ലിമെന്ററി അലോട്മെന്റ് നേടുന്നവരുടെ
പ്രവേശനം കൂടി കഴിഞ്ഞാകും ഇത്.
സ്കൂളുകളിൽ ഏതെല്ലാം അധിക സീറ്റുകളും താൽക്കാലിക ബാച്ചുകളും അനുവദിക്കണമോ എന്ന് തീരുമാനിക്കുന്നതും ആദ്യത്തെ സപ്ലിമെന്ററി പ്രവേശനത്തിന് ശേഷമാകും. പുതിയ ബാച്ചുകളും സീറ്റുകളും അനുവദിക്കുമ്പോൾ വരുന്ന അവസരങ്ങളിലേക്കു മുഖ്യഘട്ടത്തിൽ പ്രവേശനം നേടിയവർക്ക് സ്കൂൾ, സ്കീം മാറ്റത്തിനാകും ആദ്യം അവസരം നൽകുക. ഇതിനു ശേഷം രണ്ടാം സപ്ലിമെന്ററി അലോട്മെന്റ് വരും.