KEAM 2023: അപേക്ഷ സർട്ടിഫിക്കറ്റുകളിലെ പിഴവുകൾ തിരുത്താൻ അവസരം

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP https://chat.whatsapp.com/COOYfOrPRAWEDrSuyZsPLS

തിരുവനന്തപുരം:കേരള എൻജിനിയറിങ്, ആർക്കിടെക്ച്ചർ, ഫാർമസി, മെഡിക്കൽ, മെഡിക്കൽ അനുബന്ധ കോഴ്‌സുകളിലേക്കുള്ള പ്രവേശനത്തിനായി ഓൺലൈൻ അപേക്ഷ സമർപ്പിച്ച വിദ്യാർഥികൾ അപേക്ഷയോടൊപ്പം സമർപ്പിച്ച വിവിധ സർട്ടിഫിക്കറ്റുകളിലെ പിഴവുകൾ തിരുത്തുന്നതിനും അർഹമായ സംവരണം/മറ്റ് ആനുകൂല്യങ്ങൾ എന്നിവ ലഭിക്കുന്നതിനാവശ്യമായ രേഖകൾ/ സർട്ടിഫിക്കറ്റുകൾ അപേക്ഷയോടൊപ്പം സമർപ്പിക്കാതിരിക്കുകയും ചെയ്തവർക്ക് ഒരു അവസരം കൂടി നൽകുന്നു. വിദ്യാർഥികൾ http://cee.kerala.gov.in ൽ നൽകിയിട്ടുള്ള KEAM-2023 Candidate Portal -ൽ അവരവരുടെ അപേക്ഷാ നമ്പരും പാസ് വേഡും നൽകി ലോഗിൻ ചെയ്ത് പ്രൊഫൈൽ പേജ് പരിശോധിക്കണം. പുതുതായി സർട്ടിഫിക്കറ്റുകൾ സമർപ്പിക്കുന്നതിന് വിദ്യാർഥികളുടെ പ്രൊഫൈൽ പേജിൽ ലഭ്യമായിട്ടുള്ള Certificate for Category എന്ന ലിങ്കിലൂടെ ജൂലൈ 13 വൈകിട്ട് നാലുവരെ ആവശ്യമായ സർട്ടിഫിക്കറ്റുകൾ/രേഖകൾ സമർപ്പിക്കാം.

സർട്ടിഫിക്കറ്റുകൾ നൽകുന്നതിനും പിഴവുകൾ തിരുത്തുന്നതിനുമുളള അവസാന അവസരമായതിനാൽ തെറ്റുകളില്ലാത്ത സർട്ടിഫിക്കറ്റുകൾ സമർപ്പിക്കുന്നതിന് വിദ്യാർഥികൾ നിർബന്ധമായും ശ്രദ്ധിക്കണം. വിശദവിവരങ്ങൾക്ക് പ്രവേശന പരീക്ഷാ കമ്മീഷണറുടെ വെബ്സൈറ്റിലെ വിജ്ഞാപനം കാണുക. ഹെൽപ് ലൈൻ നമ്പർ: 0471-2525300.