മഴ ശക്തമാകുന്നു: 3 ജില്ലകളിൽ അവധി

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP https://chat.whatsapp.com/COOYfOrPRAWEDrSuyZsPLS

തിരുവനന്തപുരം:കാലവർഷം ശക്തമായ കേരളത്തിൽ മൂന്നു ജില്ലകളിൽ ഇന്ന് വിദ്യാഭ്യാസ സ്ഥാപനങ്ങൾക്ക് അവധിയാണ്. എറണാകുളം കാസർഗോഡ് ജില്ലകൾക്ക് പുറമെ ഇന്ന് രാവിലെ ആലപ്പുഴ ജില്ലയിലും അവധി പ്രഖ്യാപിച്ചു. എറണാകുളം കാസർകോട് ജില്ലകളിൽ ഇന്നലെ അവധി പ്രഖ്യാപിച്ചെങ്കിൽ ഇന്ന് രാവിലെയാണ് ആലപ്പുഴ ജില്ലയിലെ പ്രഖ്യാപനം വന്നത്. ഇത് ഒട്ടേറെ വിദ്യാർഥികളെയും അധ്യാപകരെയും ആശയക്കുഴപ്പത്തിലാക്കി. പലരും സ്കൂളിലേക്കുള്ള യാത്ര ആരംഭിച്ചിരുന്നു.

ആലപ്പുഴ ജില്ലയിൽ ഇന്ന് ഓറഞ്ച് അലർട്ട് നിലനിൽക്കുന്നതിനാലും രാവിലേ 5.30 ശേഷം ഉള്ള റഡാർ ഇമേജ് പരിശോധിച്ചതിൽ ജില്ലയിൽ വരും മണിക്കൂറുകളിൽ ശക്തമായ മഴ മുന്നറിയിപ്പ് ഉള്ളതിനാലുമാണ് കളക്ടർ പ്രൊഫഷണൽ കോളേജുകൾ, അംഗൻവാടി ഉൾപ്പെടെ ഉള്ള എല്ലാ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചത്. രണ്ടു ജില്ലകളിൽ ഇന്ന് റെഡ് അലട്ടും 10 ജില്ലകളിൽ ഓറഞ്ച് അലേർട്ടുമാണ് നൽകിയിട്ടുള്ളത്.