ഇൻഡോ ടിബറ്റൻ ബോർഡർ ഫോഴ്സിൽ 81 വനിതാ ഹെഡ് കോൺസ്റ്റബിൾ നിയമനം

Jun 12, 2023 at 1:04 pm

Follow us on

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/CE1ocpjL0JpGtFQqwpiYZO

തിരുവനന്തപുരം:ഇൻഡോ- ടിബറ്റൻ ബോർഡർ പൊലീസ് ഫോഴ്സിൽ (ഐടിബിപി) ഹെഡ് കോൺസ്റ്റബിൾ (മിഡ് വൈഫ്) തസ്തികയിലെ 81 ഒഴിവിലേക്ക് ഇപ്പോൾ അപേക്ഷിക്കാം. ജനറൽ വിഭാഗത്തിൽ 34 ഒഴിവുകളും ഒബിസിയിൽ 22, എസ് സി 12, എസ്ടി 6, ഇഡബ്ലിയുഎസ് 7 എന്നിങ്ങനെയുമാണ് ഒഴിവുകൾ. വനിതകൾക്ക് മാത്രമാണ് അവസരം. പത്താം ക്ലാസും ഓക്സിലറി നഴ്സിങ് മിഡ് വൈഫറി കോഴ്സ് വിജയവുമാണ് യോഗ്യത. നഴ്സിങ് കൗൺസിലിൽ റജിസ്റ്റർ ചെയ്തിരിക്കണം.

പ്രായം: 2023 ജൂലൈ 8 ന് 18-25. അപേക്ഷകർ 1998 ജൂൺ 9 നും 2005 ജൂലൈ 8 നും മധ്യേ ജനിച്ചവരാകണം. സംവരണ വിഭാഗക്കാർക്കും വിമുക്ത ഭടന്മാർക്കും മറ്റ് സർക്കാർ ജീവനക്കാർക്കും നിയമാനുസൃത ഇളവു ലഭിക്കും. ശമ്പളം: 25,500 – 81,100 (പേ ലെവൽ 6 ). ശാരീരികക്ഷമതാ പരീക്ഷ, എഴുത്തുപരീക്ഷ, പ്രായോഗിക പരീക്ഷ, വൈദ്യപരിശോധന എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പു നടക്കുക. http://recruitment.itbpolice.nic.in എന്ന വെബ്സൈറ്റിലൂടെ അപേക്ഷിക്കാം. അവസാന തീയതി ജൂലൈ 8.