വിദ്യാലയങ്ങളിൽ അധ്യാപകരുടെ കുറവ്: അധ്യാപക ജോലിയിൽ നിന്ന് ഉദ്യോഗാർഥികൾ അകലുന്നു?

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/LPdgjR7UuJU02aS9DYdOsL

തിരുവനന്തപുരം: അധ്യാപക ജോലിയിൽ നിന്ന് ഉദ്യോഗാർഥികൾക്ക് അകലുകയാണോ? അതോ രാജ്യത്തെ വിദ്യാലയങ്ങളിൽ ആവശ്യമായ അധ്യാപകരെ നിയമിക്കുന്നതിൽ അതത് സംസ്ഥാനങ്ങൾ അലംഭാവം കാട്ടുകയാണോ? രാജ്യത്തെ വിവിധ സ്കൂളുകളിലായി കഴിഞ്ഞ വർഷം മാത്രം 95 ലക്ഷം അധ്യാപകരുടെ കുറവുണ്ടായെന്ന് കഴിഞ്ഞ ദിവസം കേന്ദ്ര വിദ്യാഭ്യാസ മന്ത്രാലയം വ്യക്തമാക്കിയിരുന്നു. കേന്ദ്ര വിദ്യാഭ്യാസ സഹമന്ത്രി അന്നപൂർണാ ദേവിയാണ് ഞെട്ടിക്കുന്ന ഈ കണക്ക് പാർലമെന്റിൽ അറിയിച്ചത്. രാജ്യത്തെ സർക്കാർ സ്കൂളുകളിൽ മാത്രം 48 ലക്ഷം
അധ്യാപകരുടെ കുറവുണ്ടായി.

സ്വകാര്യ സ്കൂളുകളിൽ 35 ലക്ഷം
അധ്യാപകർ കുറഞ്ഞു. ആകെ 1.95 ശതമാനം അധ്യാപകരുടെ കുറവാണ് രാജ്യത്താകെ ഉണ്ടായത്. സർക്കാർ-എയ്ഡഡ് സ്കൂളുകളിൽ 1.45 ശതമാനവും സർക്കാർ
സ്കൂളുകളിൽ 0.9 ശതമാനവും സ്വകാര്യ
സ്കൂളുകളിൽ 2.94 ശതമാനവും
കുറവുണ്ടായി. വിദ്യാഭ്യാസം സംസ്ഥാന വിഷയമാണെന്നും അധ്യാപകരുടെ നിയമനം, അതത് സംസ്ഥാനങ്ങളുടെ പരിധിയിൽ
വരുന്നതാനെന്നും സഹമന്ത്രി ചൂണ്ടിക്കാട്ടിയിരുന്നു. കേരളത്തിലടക്കം ആയിരക്കണക്കിന് അധ്യാപകരുടെ തസ്തികയാണ് നികത്താതെ കിടക്കുന്നത്. അധ്യാപകരുടെ കുറവിനെ തുടർന്ന് പല വിദ്യാലയങ്ങളിലും അക്കാദമിക പ്രവർത്തനങ്ങൾ താറുമാറായി. ഈ വർഷം മാർച്ച് കൂടുതൽ അധ്യാപകർ വിരമിക്കുന്നതും സ്കൂളുകളുടെ പ്രവർത്തനത്തെ ബാധിക്കും.